‘Xikwembu Nkulukumba a ta hlangula minyembeti hinkwayu a mahlweni yavu; ni ku fa ku nga ha vi kone; ku nga ha vi na nkosi, ni ku bongosa, ni ku vaviseka; hikuva swa ku sungula swi hundzrile.’—Apfuletelo 21:3, 4.

U ta nyonxa hi ku tiva leswaku . . .

u ta va ni ntizro lowu nga ni ntlhamuxelo ni lowu tsrhavisaka.—Ezaya 65:21-23.

mavabyi ni ku xaniseka hinkwaku swi ta helisiwa.—Ezaya 25:8; 33:24.

u ta hanya aku nyonxeni kun’we ni ndangu ni vanghanu vaku hi laha ku nga helikiki.—Amapsalma 37:11, 29.

Ina, hi kola ka swivangelo swibidzri:

• Xikwembu Nkulukumba a ni wuswikoti bya ku hetisisa leswi a swi dumbisiki. A Bibeleni, Yehovha Xikwembu Nkulukumba hi yene ntsena lweyi a vitaniwaka wa ‘Mtamu Hinkwawu’, hikuva a ntamu wakwe a wu na wugamu. (Apfuletelo 15:3) Hi ndlela yoleyo, a nga swi kota ku hetisisa xidumbiso xakwe xa ku ndzruluta misava leyi yi va yinene. Hi laha Bibele dzri hlayaka ha kone, ka ‘Xikwembu Nkulukumba hinkwaswu swa koteka.’—Matewu 19:26.

• Xikwembu Nkulukumba awa swi nyonxela ku hetisisa leswi a swi dumbisiki. Hi xikombiso, Yehovha awa swi ‘navela’ ku pfuxa vhanu lava fiki.—Yob 14:14, 15.

  Nangweso, Bibele dzri kombisa leswaku Yesu, n’wana wa Xikwembu Nkulukumba, a hanyisi lava ku vabya. Ha yini a yentxi leswo? Hikusa afa a swi zrandzra. (Marka 1:40, 41) Yesu a kombisi matsrhamela ya Tatana wakwe hi ku hetiseka loko a pfuna lava kazrateka.—Yohan 14:9.

  Hi ndlela yoleyo, hi nga va ni ku dumba ka leswaku Yehovha na Yesu va swi djula ku hi pfuna leswaku hi tikholisa hi wumundzruku lebyi tsrhavisaka!—Amapsalma 72:12-14; 145:16; 2 Petros 3:9.