Ко жала по нэбо?
Со ԥэнэнпэ андэ Библия?
О Дэл витидя найбари ӷрупа манушэн,— када предани христианоря, савэ посли пэстири смэрть авэна васкрешони, кай тэ жувэн по нэбо (1 Петра 1:3, 4). Лэндэ трэбуй тэ авэл састи вера и примерни андэ кода, сар пэс андярэн, кай вонэ тэ авэн достойни, кай лэндэ тэ авэл кадэя наӷрада (Эфесянам 5:5; Филиппийцам 3:12—14).
Сости дэсавэ мануша жан по нэбо?
Еқэҭанэ лэ Христоса вонэ по нэбо авэна царёря и рашая 1 000 бэрш (Откровение 5:9, 10; 20:6). Када авэла небесно правительство, или сар ԥэнэнпэ андэ Библия, када авэла «нэво нэбо». Кадэва правительство лэла тэ правий понад и мануша или, сар пистромэ андэ Библия, авэла тэ правий «нэвя ԥувьяса». Кадэва небесно правительство поможыя, кай пэ ԥув упалэ тэ авэл праведность и тэ рий кода, со о Дэл май англал загиндосардясас важ и мануша пэ ԥув (Исаия 65:17; 2 Петра 3:13).
Скати манушэн о Дэл васкресия, кай вонэ тэ жувэн по нэбо?
Андэ Библия пистромэ, кай лэн 144 000 манушэн (Откровение 7:4). Андэ видения, сави запистромэ андэ Откровение 14:1—3, о апостало Иоано додиқля, кай «по плай Сионо тердёл о Бакроро и лэса сто сорок четыре тысячи». Андэ кадэя видения о Бакроро сыкавэл по Иисус Христос, саво рисайля каринг и жызня (Иоанна 1:29; 1 Петра 1:19). О плай Сионо сыкавэл, кай кай о Иисусо и кай и 144 000 кодэлэн, ко правия лэса по нэбо, бари положэния (Псалом 2:6; Евреям 12:22).
Андэ Библия пэ кодэла, кас о Дэл витидя, кай тэ правин лэ Христоса андо небесно Царство, андэ Библия пэр лэндэ ԥэнэнпэ «найбаро стадо» (Откровение 17:14; Луки 12:32). Када сыкавэл, кай лэн авэла май набут, чем кодэлэн, ко жувэна пэ ԥув (Иоанна 10:16).
Найчачимос, саво ԥэнэн и мануша пала кодэла, ко жала по нэбо
И мануша ԥэнэн, кай всаворэ лашэ мануша жан по нэбо.
Но па чачимастэ, о Дэл дэл алав, кай и лашэ мануша жувэна вечно пэ ԥув (Псалом 37:11, 29, 34).
О Иисусо ԥэндя: «Нико анда мануша на ваздэласпэ по нэбо» (Иоанна 3:13). Вижал, и мануша, савэ служынас лэ Дэвлэсти и савэ мулинэ жы кай о Иисус Христос на жылэ по нэбо. Например: када о Авраамо, о Моисеё, о Иово и о Давидо (Деяния 2:29, 34). Лэн о Дэл васкресия, кай вонэ тэ жувэн пэ ԥув (Иов 14:13—15).
Васкресения каринг и небесно жызня, пала латэ андэ Библия пистромэ, кай када, кала «пэрвонэн рина каринг и жызня» (Откровение 20:6). Када сыкавэл, кай авэла и авэр васкресения, сави пэ ԥув.
И Библия сытярэл кодэлэсти, кай кала правия лэ Дэвлэско Царство «и смэрть будэр на авэла» (Откровение 21:3, 4). Анда када дицол, кай кадэла алава исполняца пэ ԥув, важ кода кай и смэрть пэ нэбо никала на сас.
И мануша ԥэнэн, кай кажно витидэл екжэно, кай во жувэла — по нэбо чи пэ ԥув.
Но па чачимастэ, о Дэл витидэл, кастэ анда верни христианоря авэла наӷрада тэ жувэл по нэбо (Филиппийцам 3:14). Кала о Дэл витидэл, кай о мануш жувэла, во на диқэл, сави кай о мануш жылания и со во камэл тэ домардёл андэ пэстири жызня (Матфеё 20:20—23).
И мануша ԥэнэн, кай пэ ԥув жувэна и мануша, савэ най достойни тэ жувэн по нэбо.
Но па чачимастэ, кодэла, ко вечно лэла тэ жувэл пэ ԥув, о Дэл пэр лэндэ ԥэнэн «мэрно народо», «кодэла, кас мэ витидэм», «народо, савэс блаӷословисардя о Иегова» (Исаия 65:21—23). Лэнди випэля бари бах тэ участвуют андэ лэ Дэвлэско замысло, — када, кай и мануша тэ ашэн совершэни и кай вонэ тэ жувэн андо раё пэ ԥув. Вонэ лэна андэ када тэ поможын, важ кода кай о Иегова инке май данглал загиндосардя када (Бытие 1:28; Псалом 115:16; Исаия 45:18).
И мануша ԥэнэн, кай о число 144 000, пала саво пистромэ андэ Откровение, во символическо, кабута котэ можэт тэ авэл пистромэ и авэр число.
Но па чачимастэ, када най кадя. Хоть андэ книӷа Откровение и пистромэ дэсавэ символически числа, но дэсавэ всаек кацавэ, савэ вонэ исин па чачимастэ. Например, андэр латэ пистромэ пала кода, кай кай о Иисусо сас 12 апосталоря (Откровение 21:14). Май тэлэ пистромэ дэсавэ примероря, кай 144 000, када о число, саво исин па чачимастэ.
Андэ Откровение 7:4 ԥэнэнпэ «И мэ ашундэм о число [кас витидэ тэ жувэн по нэбо] пэ савэ стодэ печать. Лэн сас 144 000». Но чуть май тэлэ, андэ кадэя жэ ӷлава пистромэ пала «фартэ бутэ манушэн, савэн нико нэ моӷ тэ пэрэадиной». Кодэлэ манушэн о Дэл кадяжэ спасыя (Откровение 7:9, 10). Если бы о число 144 000 тэ авэл символическо, тоди на авелоп смысло a тэ сыстон кодэлэса, скати жувэна мануша андо раё пэ ԥув.
Инке пала 144 000 ԥэнэнпэ, кай «лэн витиндэ лэ манушэндар, кай тэ авэн сар пэрви» (Откровение 14:4). И алава «тэ авэн сар пэрви» сыкавэн пэ найбари ӷрупа, сави о Дэл витидэла, кай тэ жувэн по нэбо. Катэ ворта пистромэ о число, скати лэ манушэн лэна тэ правин по нэбо лэ Христоса понад и мануша, савэ жувэна андо раё пэ ԥув, но скати лэн авэла, на ԥэнэнпэ (Откровение 5:10).
a Кадяжэ пала 144 000 гиндояс о библеисто Роберто Томасо: «Определено число противопоставлено неопределенному числу андэ Откровение 7:9. Если лэс щитать, кай во символическо, тоди ни пала ек число андэ кадэя книӷа на ԥэнэса, кай во буквально» (Revelation 1-7: An Exegetical Commentary, страница 474).
Тути кадяжэ можэт тэ авэл интересно
ESSENTIAL BIBLE TEACHINGS
Со када лэ Дэвлэско Царство?
Кала о Иисусо росԥэнэнас важ о Дэл, май бут всаворэстар во дэлас дума пала лэ Дэвлэско Царство. Ужэ най ек шэл бэрш и христианоря мангэнпэ, кай тэ авэл кадэва Царство.