Амэнди всаворэнди трэбуй ловэ, кай амарэ ерендэ тэ авэл вся, со трэбуй важ и жызня (Притчи 30:8). Сар пистромэ андэ Библия, и ловэ фэрин (Экклезиаст 7:12). Можэт, варикасти найвушэро тэ дэл дума пала ловэ. Но о хулай и хулаи на трэбуй тэ домэкэн, кай через и ловэ лэндэ тэ авэн проблемы андо брако (Эфесянам 4:32). Лэнди важно тэ доверяют ек еқэсти и вмести тэ прилэн ришэния, скати лэна тэ тратин и ловэ.

СО ԤЭНЭНПЭ АНДЭ БИБЛИЯ. «Если варико андар тумэндэ закамэла тэ строий башня, хэба май англал на бэшэла и на подадиноя, скати лэстэ жана пэ када ловэ, кай тэ диқэл, хутилэла лэстэ ловэ тэ дотерэл ла?» (Луки 14:28). Фартэ важно, кай тумэ вмести май англал тэ погиндон, пэр со тумэндэ жана и ловэ (Амос 3:3). Доԥэндён, со тумэнди трэбуй тэ тинэн и скати ловэ тумэ можэте тэ потратин (Притчи 31:16). Дажэ если тумэндэ исин ловэ, кай варисо тэ тинэн, када нэ означает, кай када тумэнди нэобходимо. Старыинпэ тэ на заӷулен андо вужылимос. Жувэн пэ кодэла ловэ, савэ тумэндэ исин (Притчи 21:5; 22:7).

СОВЕТОРЯ

• Если прожыля шон, и тумэндэ ашэлэпэ ловэ, вмести погиндон, со тумэ лэнца лэна тэ терэн

• Если тумэндэ важ о шон ловэ жылэ май бут, чем трэбуй, подэн дума, со тумэ можэте тэ парувэн, кай тэ тратин май набут. Например, вместо кода, кай тэ хан андэ кафэ, фэдэр тэ гитон екжэнэ цэрэ

СО ԤЭНЭНПЭ АНДЭ БИБЛИЯ. «[Амэ] старысавас никала тэ на хохавас най кати англа Иегова, но и англа мануша» (2 Коринфянам 8:21). На хохавэн андэ кода, скати тумэ затерэн и скати тратин.

Кала тумэнди трэбуй тэ прилэн серьёзно ришэния пала ловэ, всегда советуйтесь ек еқэса (Притчи 13:10). Если тумэндэ жал дума пала ловэ, када поможыя, кай андо тумаро ери тэ авэл мирно. На бистрэн, кай и ловэ, савэ тумэ затерэн, най тумарэ лични, ай всаворэ ерестирэ (1 Тимофею 5:8).

СОВЕТОРЯ

• Доԥэндён ек еқэса, скати тумэ можэте тэ тратин ловэ, кай кажно разо тэ на пушэнпэ ек еқэстар

• На аштярэн, кала авэна проблемы, кай тэ подэн дума пала ловэ