ФАРТЭ ԥарэс, кала о хулай или и хулаи сас аврэса. Дэко простий пэстирэ хулас или пэстиря хулая и вонэ упалэ стидэнпэ тэ жувэн *. Стидэлапэ о ери чи най, кодэлэндэ, кастэ кацаво тердяпэ, всаек фартэ дуқал оди. Со поможыя тэ ашэл май вушэро?

Кала о хулай чи и хулаи сас аврэса, када анэн бут ԥаримос. Но бутэ манушэнди ашэл май вушэро, кала вонэ адинон и Библия. Андар латэ вонэ уӷанглэ, кай о Дэл диқэл лэндирэ ясва и полэл, сар лэнди ԥарэс (Малахия 2:13—16).

«Кала мандэ слинэ гиндоря, савэндар ԥарэс по ди, ту терэсас кадя, кай манди ашэлас май вушэро по ди» (Псалом 94:19).

О Билло ԥэнэн: «Кала мэ адиносаравас кадэла алава, мэ представлял, кай о Иегова, сар любящё дад, подритярэл ман и терэл май вушэро по ди».

«Ту на ашавэса кодэлэс, ко тут на ашавэл» (Псалом 18:25).

И Кармен, савяко хулай шонэнца дилярэлас ла, ԥэнэн: «Мэрно хулай ман хохавэлас. Но мэ моӷу тэ патяв, кай о Иегова никала ман на ашавэла».

«Ни пала со нэ пэрэжывайте, ай важ вся росԥэнэн лэ Дэвлэсти андэ молитва и анда вся оди мангэн... лэс. Тоди о Дэл дэла тумэнди миро андо ди, саво май баро чем всаворэ гиндоря и фэрия тумаро ди» (Филиппийцам 4:6, 7).

И Саша ԥэнэн: «Мэ бут разоря адиносаравас кадэла алава. Со май бут мэ мангаваспэ лэ Дэвлэсти, со май спокойно ашэлас мэрни жызня».

Дэкала всаворэ кадэла мануша гиндонас, кай лэнди ужэ най васо тэ жувэн. Но вонэ отдинэ вся лэ Дэвлэсти, лэ Иеговасти. И лэско Алав, и Библия, дя лэнди зор тэ жувэн и май дур. Акэ со ԥэндя о Билло пала кода, со лэстэ по ди: «Кода, кай мэ патяв лэ Дэвлэсти, поможысардя манди тэ полав васо мэ жував, как раз андэ кодэва маменто, кала здэласпэ, кай тэ жував ужэ най васо. Хоть и дэсави время мэ жавас „дромэса, пэ саво можно тэ хасарав и жызня“, о Дэл сас паша мандэ» (Псалом 23:4).