И Салли * анда США, сави через ураӷано хасардя почти вся пэско хабэ, ԥэнэн: «Мэ на ӷанавас, скати инке мандэ вижала када тэ пэрэандярав. По ди сас кацаво, кай инке набут и мэ на виритярава».

Ай бывает, кай мэрэл варико анда чаче. И Джанис анда Австралия росԥэнэн: «Кала мулинэ лэдуй мэрнэ шавэ, ԥэнэса мэрни жызня розмарделя и манди трэбуй сас тэ стидав ла па котора. Зор на сас, и мэ фартэ мангавас лэ Дэвлэс: „Мэрно ди будэр на виритярэла када! Поможысар манди тэ мэрав. Мэ камав тэ засовав и тэ на прошавпэ“».

Ай лэ Дэниелости сас фартэ ԥарэс, кала во уӷангля, кай лэстири хулаи сас аврэса. Во росԥэнэн: «Кала мэрни хулаи ԥэндя, кай сас аврэса, андэ мэрно ди ԥэнэса стодэ шури. Мандэ аж и тила дуқалас. И кадя сас бут шона».

Андэ кадэва журнало амэ подаса дума, васо трэбуй тэ жувэс дажэ тоди, кала...

• ...терэлпэ бида андэ природа

• ...муля варико анда чаче

• ...о хулай чи и хулаи сас аврэса

• ...ту фартэ насвало

• ...тути кадя найдраго, кай на камэлпэ тэ жувэс

Спэрва уӷанаса, кай тэ лэс зор тэ жувэс посли кода, сар стердяпэ бида андэ природа.