E Biblia sikavel amenge chachimasa sostar shai pakias ke si iek Del. Ai vi sikavel amenge ke te kamasa te bariol amaro pakiamos trobus te das amen gogi ai te gindis, chi trobus te las amen pala so sikaven uni religionuria (Romanuria 12:1; 1 Iovano 5:20). Aida dikhas uni prame kai phenel e Biblia kai sikaven ke si iek Del:

•   Kana dikhas ke sa so si ando cheri si lashardo ai ke shai avel traio, godo sikavel amen ke varekon kerdias gadala prame. E Biblia phenel: “But manush sai keren khera, numa ferdi O Del kerdia swako fielo” (Zhiduvuria 3:4). Shai gindos amen ke kakala suaturia nai bare, numa bute zhenenge kai zhanen dine po gor kakala suaturia. a

•   Le manush kamas te zhanas soske trais ai godo si mai bari prama katar fersavi kai shai avel amen. Te na zhanasa godo chi aliaras amen mishto, pala godo e Biblia mothol ke trobul amen katar o Del, ai godo kamel te phenel ke trobul amen te mai prinzharas les ai te luvudis les (Mate 5:3; Apokalipsos 4:11). Vo kerdias amen gadia ai del amen so trobul amen te avas barikane, godo sikavel amenge ke si iek Del kai kamel amen (Mate 4:4).

•   But anda le profesii kai mothonpe ande Biblia kerdile sa chache polme ke nakhle but borsh. Kana dikhas ke suako prama kerdili chachi, das po gor ke nas suato katar le manush (2 Petri 1:21).

•   Le manush kai ramosarde e Biblia zhanenas mai prame pa e Phuv de sar le kolaver zhene. Uni manush kai trainas de dumut, pakianas ke e Phuv sas opral katar uni animaluria. Numa e Biblia mothol ke “khanchi chi inkerel e Phuv” (Job 26:7). Ai vi mothol ke e Phuv si sar iek mincha (círculo) (Isaías 40:22). But zhene den po gor ke le manush kai ramosarde e Biblia nashtisarde te zhanen godo korkorho, ke sas o Del kai sikadias lenge.

•   E Biblia del suato ka so pushenpe but manush kai chi pakian ando Del: Te avela ke o Del si lasho ai si les sa e zor, sostar nakhen prame chorhe ai le zhene kinuin? Sostar le religionuria kerde prame bi lashe? (Titos 1:16). So mothol e Biblia pa gadala suaturia shai azhutil len te pakian ando Del.