Μπουτ τζενέ τσσιναντέ τι τζαν κο κχανγκιριά επειδή οτθέ να αρακχένα παρηγοριά ούτε βοηθίνενα-λεν τι λεν απαντήσεις κο μπαρέ ερωτήσεις ι ζωγιάκε. Αλλά άμα ισί αντικάς, σόσκε τι τζαν ντα τι ασουνέν ο Χριστιανικές συναθροίσεις σο κερένα ο Μάρτυρες του Ιεχωβά; Σο κα αρακχέν οτθέ;

Κα αρακχέν χαρά επειδή οτθέ ισί τζενέ σο μανγκένα ντα πφαμπόνα ι γιαβερένγκε. Μετά κατά μεριπέ ι Ιησούσκο, ο Χριστιανοί ισινέ οργανωμέ ντα γκιντίντιβενας κο συναθροίσεις για τι σικαβέν ότι μανγκένας ντα ότι πακιάνας κο Ντεβέλ, για τι διαβάνεν ι Γραφή ντα για τι ενθαρρύνεν ο εκ ι γιαβερές. (Εβραίους 10:24, 25) Οτθέ τζανένας ότι κα αρακχένας αγάπη, αγαβένας ότι τθερένας αμαλέν, δηλαδή φιλόν, σο μανγκένας-λεν μπαγιά ντα σο ισινέ λένγκε σαρ πφραλά ντα πφενιά. (2 Θεσσαλονικείς 1:3· 3 Ιωάννη 14) Αμέν κεράσα οντουβά σο κερένας βον, ντα ισινάμ αμέν-ντα χαρούμενοι.

Κα σικλιόν τι τζουβντιόν σαρ βακερένα ο εντολές ι Γραφιάκε. Σαρ αβέλας-πες κο πουρανέ μπρεσά, αντιβές-ντα μουρσά, τζουβλιά, τσσαγιά ντα τσσαβέ τζάνα σαρέ γιεκ κο συναθροίσεις. Οτθέ τζενέ σο τθερένα ο ικανότητες σικλιαρένα-αμέν τι αγαβάς αντράλ κατά Αγία Γραφή σαρ μπορίνενα ο εντολές ι Ντεβλέσκε τι βοηθίνεν-αμέν τι τζουβντιάς πιο λατσσές αμαρέ ζωγιάτε. (Δευτερονόμιο 31:12· Νεεμίας 8:8) Σαρέ μπορίνασα τι ντας απαντήσεις κο συναθροίσεις εμ τι βακεράς ύμνους, ντα αντικάς σικαβάσα ι ελπίδα σο τθεράσα σαρ Χριστιανοί.—Εβραίους 10:23.

Κα τθερέν ι ευκαιρία τι κερέν πιο ζουρανί τουμαρί πίστη κο Ντεβέλ. Ο απόστολος Παύλος βακερντάς εκχέ εκκλησιάτε αζομάν: «Μανγκάβα μπουτ τι ντικχάβ-τουμέν, . . . για τι λας ντα τι ντας κουράγιος ο εκ κο γιαβέρ, κατά πίστη ι κάθε εκχέσκι, εμ τουμαριάταρ εμ μιριάταρ». (Ρωμαίους 1:11, 12) Η παρέα σο κεράσα συνέχεια αμαρέ πφραλέντζαρ κι συνάθροιση κερέλα αμαρί πίστη πιο ζουρανί ντα αβάσα πιο αποφασισμέ τι τζουβντιάς εκ Χριστιανική ζωή.

Μανγκάσα τι αβέν κι γιαβέρ συνάθροιση σο κα τθεράς ντα τι ντικχέν τουμαρέ γιακχίντζαρ ανταλά πράγματα. Σαρέ κα χαιρίνας μπουτ σο κα ντικχάς-τουμέν. Κο συναθροίσεις σο κα τζαν να κα ποκινέν ούτε εκ φαρ—να κα μανγκέν τουμένταρ λοβέ.

• Κον κερντέ πρώτα ο συναθροίσεις ντα κεράσα-λεν αμέν-ντα μέχρι αντιβές;

• Σαρ βοηθίνενα-αμέν ο συναθροίσεις;