Χάνικ ντιβεσά πριν τι μερέλ ο Ιησούς, βακερντάς: «Ανταλά λατσσέ αμπέρια ι βασιλειάκε κα βακέρντιβεν σαρί κι πφουβ για τι ασουνέν-λεν σαρέ ο τθεμά· ντα αζομάν κα αβέλ ο τέλος». (Ματθαίος 24:14) Αλλά σαρ κα μπορίνενας τι βακέρντιβεν ανταλά λατσσέ αμπέρια σαρό κο ντουνιάς; Με το τρόπος σο κερντάας-λες ο Ιησούς όταν ισινέ κι πφουβ.—Λουκάς 8:1.

Προσπαθίνασα τι αρακχάς ι τζενέν λένγκε κχερέντε. Ο Ιησούς σικλιαρντάς πι μαθητέν τι βακερέν ο λατσσέ αμπέρια κχερ κχερέστε. (Ματθαίος 10:11-13· Πράξεις 5:42· 20:20) Βακερντάας λένγκε τι τζαν ντα τι βακερέν ο λατσσέ αμπέρια σε συγκεκριμέ τθανά. (Ματθαίος 10:5, 6· 2 Κορινθίους 10:13) Αντικάς αντιβές-ντα, βακεράσα ο λατσσέ αμπέρια σαρέ ο πφραλά γιεκ, ντα ο πφραλά ι κάθε εκκλησιάκε τζάνα ντα βακερένα ο λατσσέ αμπέρια σε συγκεκριμέ τθανά. Αντικάς αμέν-ντα μπορίνασα τι κεράς οντουβά σο βακερντάς ο Ιησούς—τι “βακεράς ο λατσσέ αμπέρια σαρέ κο τζενέ”.—Πράξεις 10:42.

Προσπαθίνασα τι κεράς λάφι ι τζενέντζαρ κάι ντα τι αβέν. Ο Ιησούς ντινάς-αμέν ο λατσσό παράδειγμας όταν κερέλας λάφι ι Ντεβλέσκε οτθέ σο ισινέ μπουτ τζενέ, σαρ για παράδειγμας κι ντεριάβ ή πασέ σε εκ χανίγκ. (Μάρκος 4:1· Ιωάννης 4:5-15) Αμέν-ντα κεράσα λάφι ι Γραφιάκε ι τζενέντζαρ κάι ντα τι αβέν—κο ντρομά, οτθέ σο κερένα μπουτί, κο πλατείες ή κατά τηλέφωνος. Κεράσα λάφι κο γείτονες, οντουλέντζαρ σο κεράσα μπουτί, κο συμμαθητές ντα αμαρέ τζενέντζαρ όταν τθεράσα ι ευκαιρία. Επειδή κεράσα σαρέ γιεκ ανταλά προσπάθειες εκατομμύρια τζενέ σαρό κο ντουνιάς τθερένα ασουντό «ο λατσσέ αμπέρια για τι σώντιβεν».—Ψαλμός 96:2.

Αβέλα τουμαρέ γκοντιάτε καέκ τζενό σο κα μανγκένας τι βακερέν λέσκε ανταλά λατσσέ αμπέρια ι Ντεβλέσκε ντα τι βοηθίνεν-λες τι αγαβέλ σο κα κερέλ ο Ντεβέλ λέσκε; Μα ατσσικιαρέν ανταγιά ελπίδα μόνο τουμένγκε. Βακερέν σουγκό ανταλά λατσσέ αμπέρια λέσκε-ντα!

• Καλά «λατσσέ αμπέρια» πρέπει τι ασουνέν σαρέ ο τζενέ;

• Σαρ ακουλουθίνενα ο Μάρτυρες του Ιεχωβά ο τρόπος σο βακερέλας ο Ιησούς ο λατσσέ αμπέρια;