Παρόλο σο κερένα τα πάντα για τι αβέλ ευτυχισμέ τουμαρί παντριά ντα τουμαρί φαμιλί, μπορεί ξαφνικά τι αβέν-πες πράγματα σο κα κερέν-τουμέν τι χασαρέν τουμαρί χαρά. (Εκκλησιαστής 9:11) Κάνα τθεράσα προβλήματα, ο Ντεβέλ βοηθίνελα-αμέν επειδή μανγκέλα-αμέν μπουτ. Άμα τουμέν ντα τουμαρί φαμιλί κερένα τουμαρέ ζωγιάτε οντουλά σο βακερέλα η Αγία Γραφή, κα μπορίνεν τι νταϊντίνεν ατζέ-ντα ο πιο δύσκολα προβλήματα.

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: “Μουκχέν οπρά-λέστε σο-ντα πρόβλημας τθερένα, σόσκε βοβ πφαμπόλα τουμένγκε”. (1 Πέτρου 5:7) Πάντα τι ντεν-τουμέν γκοντί ότι να φταίνελα ο Ντεβέλ τουμαρέ προβληματένγκε. (Ιακώβου 1:13) Καμπόρ πλησιάνενα-λες, κα βοηθίνελ-τουμέν με το πιο λατσσό τρόπος. (Ησαΐας 41:10) “Τι πουτρέν τουμαρό γκι λέστε”.​—Ψαλμός 62:8.

Επίσης, κα αρακχέν παρηγοριά άμα διαβάνενα με προσοχή ι Αγία Γραφή κάθε ντιβές. Αντικάς, κα νιωθίνεν ότι ο Ιεχωβά «ντέλα-αμέν παρηγοριά σαρέ κο στεναχώριες σο τθεράσα». (2 Κορινθίους 1:3, 4· Ρωμαίους 15:4) Βοβ ντέλα πο λάφι ότι κα ντελ-τουμέν ι «ειρήνη ι Ντεβλέσκι σο ισί πιο οπρέ σαρέ οντουλένταρ σο σκεφτίνασα».​—Φιλιππησίους 4:6, 7, 13.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Τι κερέν προσευχή κο Ιεχωβά για τι αβέν ήρεμοι ντα για τι λεν σωστές αποφάσεις

• Τι σκεφτίνεν σαρέ οντουλά σο μπορίνενα τι κερέν ντα τι τραμπίνεν οντουβά σο ισί πιο λατσσό τουμένγκε

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: «Ο γκι ι τζενέσκο σο αγαβέλα σικλιόλα μπουτ πράγματα ντα ο κανά οντουλένγκε σο ισί σοφοί ρόντενα τι σικλιόν μπουτ πράγματα». (Παροιμίες 18:15) Τι αγαβέν ακριβώς σο αβέλα-πες τουμαρέ φαμιλιάτε. Σικλιόν σο ανάγκες τθερέλα ο κάθε τζενό τουμαρέ φαμιλιάτε. Κερέν λέντζαρ λάφι ντα ασουνέν-λεν.​—Παροιμίες 20:5.

Σο κα αβέλ-πες αν μουλό τουμένταρ εκ τζενό σο μανγκένα-λες μπουτ; Μα νταρέν τι σικαβέν σαρ αισθάντιβενα. Τι ντεν-τουμέν γκοντί ότι ο Ιησούς-ντα «δακρυσάλο». (Ιωάννης 11:35· Εκκλησιαστής 3:4) Επίσης, ισί σημαντικός τι ξεκουράντιβεν ντα τι σοβέν. (Εκκλησιαστής 4:6) Αντικάς κα μπορίνεν τι αντιμετωπίνεν πιο λατσσές εκ δύσκολος πρόβλημας.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Μα μπεσέν τι αβέλ-πες εκ πρόβλημας σο κα πφαμπαρέλ τουμαρό γκι για τι αρχίνεν τι πουτρέν-τουμέν τουμαρέ φαμιλιάτε. Αντικάς, όταν κα αβέν προβλήματα, βον-ντα κα μανγκέν τι κερέν τουμέντζαρ λάφι

• Κερέν λάφι τζενέντζαρ σο νακχλέ βον-ντα εκ ασακό πρόβλημας

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: «Ο πραγματικός αμάλ μανγκέλα πάντα ι γιαβερές ντα ισί πφραλ σο μπιαντιόλα ι ντιβεσένγκε σο αβέλα στεναχώρια». (Παροιμίες 17:17) Τουμαρέ αμαλά, δηλαδή τουμαρέ φίλοι, μανγκένα τι βοηθίνεν-τουμέν, αλλά μπορεί μα τι τζανέν σαρ τι κερέν-λες ανταβά. Μα λατζάν τι βακερέν λένγκε οντουβά σο τθερένα πραγματικά ανάγκη. (Παροιμίες 12:25) Επίσης, τι μανγκέν πνευματική βοήθεια οντουλένταρ σο αγαβένα ι Αγία Γραφή. Ο συμβουλές σο κα ντεν-τουμέν λάταρ κα βοηθίνεν-τουμέν.​—Ιακώβου 5:14.

Κα αρακχέν ι βοήθεια σο τθερένα ανάγκη άμα κερένα παρέα τζενέντζαρ σο πακιάνα μπαγιά κο Ντεβέλ ντα τθερένα εμπιστοσύνη οντουλέντε σο ντινάς πο λάφι ότι κα κερέλ. Επίσης, κα αρακχέν μπαρί παρηγοριά άμα βοηθίνενα ι τζενέν σο χρειαζίντιβενα κουράγιος. Τι βακερέν λένγκε ι Ιεχωβάσκε ντα ι πραγματένγκε σο ντινάς πο λάφι ότι κα κερέλ. Τι βοηθίνεν συνέχεια οντουλέν σο τθερένα ανάγκη, ντα μα πφάντεν-τουμέν τουμαρέ νεαυτόστε αλλά κερέν παρέα οντουλέντζαρ σο μανγκένα-τουμέν ντα πφαμπόνα τουμένγκε.​—Παροιμίες 18:1· 1 Κορινθίους 15:58.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Κερέν λάφι εκχέ λατσσέ αμαλέσαρ ντα μουκχέν-λες τι βοηθίνελ-τουμέν

• Βακερέν ακριβώς σο χρειαζίντιβενα ντα σο τθερένα πραγματικά ανάγκη