Όταν ο Ιεχωβά κερντάς ι φαμιλί, τσσουντάς ι νταντές ντα ι νταγιά τι αβέν υπεύθυνοι πουμαρέ τσσαβένγκε. (Κολοσσαείς 3:20) Σαρ ντατ ντα σαρ ντάι, τθερένα ι ευθύνη τι σικλιαρέν τουμαρέ τσσαβέν τι μανγκέν ι Ιεχωβάς ντα τι αβέν γκοντιαβέρ τζενέ όταν κα μπαριόν. (2 Τιμόθεο 1:5· 3:15) Επίσης, πρέπει τι αρακχέν σο ισί αντρέ κο γκι τουμαρέ τσσαβέσκο ή τουμαρέ τσσαγιάκο. Όμως, τουμαρό παράδειγμας ισί μπουτ σημαντικός. Ο πιο λατσσό τρόπος για τι σικλιαρέν τουμαρέ τσσαβέν ι Ντεβλέσκε λάφια ισί τι τσσουβέν-λεν πρώτα τουμέν τουμαρέ γκίστε.​—Ψαλμός 40:8.

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: “Τι ασουνέν με προσοχή ντα μα τι σιγκιαρέν τι κερέν λάφι”. (Ιακώβου 1:19) Τουμαρέ τσσαβέ πρέπει τι νιωθίνεν ότι μπορίνενα τι κερέν τουμέντζαρ λάφι χωρίς τι λατζάν. Πρέπει τι τζανέν ότι, κάνα κα τθερέν ανάγκη τι κερέν τουμέντζαρ λάφι, τουμέν κα ασουνέν-λεν. Τι αβέν φίλοι τουμαρέ τσσαβέντζαρ για τι μπορίνεν τι βακερέν τουμένγκε σο-ντα αισθάντιβενα. (Ιακώβου 3:18) Άμα τουμαρέ τσσαβέ κα αμντίνεν ότι κα νταπέν-λεν ή κα ντεν λένγκε βίκος, μπορεί μα τι βακερέν τουμένγκε οντουλά σο τθερένα μπαγιά αντρέ πουμαρέ γκίστε. Τι κερέν υπομονή λέντζαρ ντα τι βακερέν λένγκε συνέχεια ότι μανγκένα-λεν.​—Ματθαίος 3:17· 1 Κορινθίους 8:1.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Τι ασουνέν τουμαρέ τσσαβέν κάνα κα τθερέν ανάγκη τι κερέν τουμέντζαρ λάφι

• Τι κερέν συνέχεια λάφι τουμαρέ τσσαβέντζαρ, όχι σάντε όταν τθερένα προβλήματα

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: «Κον σικαβέλα ενόραση εκχέ πραγμάσκε κα αρακχέλ λατσσιπέ». (Παροιμίες 16:20) Μερικές φορές, πρέπει τι σικαβέν ενόραση, δηλαδή τι ντικχέν σο μανγκένα τι βακερέν τουμαρέ τσσαβέ για τι αγαβέν σαρ νιωθίνενα. Ισί συνηθισμέ τι βακερέν ο τσσαβέ ντα ο τσσαγιά σαρ μανγκένα βον ο πράγματα ή μα τι βακερέν ακριβώς οντουβά σο τθερένα πουμαρέ γκίστε. «Όταν εκ τζενό κερέλα λάφι εκχέ πραγμάσκε προτού τι ασουνέλ-λες, ανταβά σικαβέλα ότι να τθερέλα γκοντί». (Παροιμίες 18:13) Μα χολιάνεν εύκολα.​—Παροιμίες 19:11.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Σο-ντα τι βακερέν τουμένγκε τουμαρέ τσσαβέ, αποφασίνεν μα τι τσσιναβέν-λεν όταν κερένα λάφι ούτε τι νευριάνεν μπουτ λέντζαρ

• Προσπαθίνεν τι ντεν-τουμέν γκοντί σαρ αισθάντιβενας όταν ισινένας λένγκε ηλικιάτε ντα σο ισινέας τουμένγκε σημαντικός

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: «Ασούν, μο τσσαβό, οντουλά σο σικλιαρέλα-τουτ το ντατ ντα μα τι μουκχές ι συμβουλή τι νταγιάκι». (Παροιμίες 1:8) Ο Ιεχωβά ντινάς εμ κο ντατ εμ κι ντάι ο δικαίωμας τι βακερέν κο τσσαβέ σο τι κερέν. Σικλιαρέν τουμαρέ τσσαβέν τι σεβάνεν-τουμέν ντα τι ασουνέν-τουμέν. (Εφεσίους 6:1-3) Άμα ο ντατ ντα η ντάι νανέ πάντα ενωμέ οντουλένγκε σο βακερένα ντα κερένα, ο τσσαβέ αγαβένα-λες. (1 Κορινθίους 1:10) Άμα τουμέν να συμφωνίνενα τουμαρέ ρομέσαρ ή τουμαρέ ρομνιάσαρ, μα τι σικαβέν-λες τουμαρέ τσσαβέντε, επειδή αντικάς να κα τθερέν τουμένγκε σεβασμός.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Κερέν λάφι ντα συμφωνίνεν σαρ κα σικλιαρέν τουμαρέ τσσαβέν

• Άμα τουμαρό ρομ ή τουμαρί ρομνί να μανγκέλα τι σικλιαρέλ ι τσσαβέν σαρ μανγκένα τουμέν, προσπαθίνεν τι αγαβέν σόσκε σκεφτίνελα αντικάς

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: «Σίκλιαρ ι τσσαβές τι κερέλ οντουβά σο ισί λατσσό λέσκε». (Παροιμίες 22:6) Για τι σικλιαρέν σωστά τουμαρέ τσσαβέν πρέπει τι προσπαθίνεν. Τι σκεφτίνεν πιο τζανγκλέ σαρ κα σικλιαρέν-λεν ντα σο κα κερέν για τι διορθώνεν-λεν. (Ψαλμός 127:4· Παροιμίες 13:1) Όταν διορθώνενα τουμαρέ τσσαβέν, δεν πρέπει μόνο τι τιμωρίνεν-λεν, αλλά τι βοηθίνεν-λεν-ντα τι αγαβέν σόσκε πρέπει τι ασουνέν. (Παροιμίες 28:7) Επίσης, τι σικλιαρέν-λεν τι μανγκέν ο λάφια σο βακερέλα ο Ιεχωβά ντα τι αγαβέν σο μανγκένα τι βακερέν λέσκε συμβουλές. (Ψαλμός 1:2) Αντικάς, τουμαρέ τσσαβέ κα τθερέν λατσσί συνείδηση.​—Εβραίους 5:14.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Βοηθίνεν τουμαρέ τσσαβέν τι αγαβέν ότι ο Ντεβέλ ισί πραγματικός ντα ότι μπορίνενα τι τθερέν λέσκε εμπιστοσύνη

• Σικαβέν λένγκε σαρ τι αγαβέν ντα σαρ τι αρακχαβέν-πες κατά παγίδες σο ισί κο Ίντερνετ. Σικλιαρέν-λεν σαρ τι αρακχαβέν-πες οντουλένταρ σο μανγκένα τι σοβέν λέντζαρ για τι κερέν λένγκε μπέτι πράγματα