Da li o muke ka ovel len krajo?
So bi tu pheneja . . .
-
ja?
-
na?
-
možda?
SO PHENELA I BIBLIJA
„O Devel . . . ka kosel svako asvi kotar olenge jaćha hem na ka ovel više meribe, ni muke, ni rojbe, ni dukha“ (Otkrivenje 21:3, 4, prevod Novi svet)
SO ODOVA TUĆE ZNAČINI
Ka ove sigurno so o problemija na avena ando Devel (Jakovljeva 1:13)
Ka ove utešimo sose đaneja so o Devel haljola sar osetineja tut (Zaharija 2:8)
Ka ovel tut nada so sa o muke više na ka oven (Psalam 37:9-11)
DA LI ŠAJ ĆAĆE TE VERUJINE KO ODOVA SO PHENELA I BIBLIJA?
Ja, ando najhari duj razlogija:
-
O Devel mrzini o muke hem i nepravda. Sar o Jehova osetinđa pe ked ko purano vreme oleso narodo hine mučimo? I Biblija vaćeri so e Devlese hine pharo sebepi okola kola „hine okrutna premalo lende“ (Sudije 2:18).
O Devel na mangela okolen kola ćerena lošnipe averenđe. Na primer, i Biblija vaćeri so olese tane odvratna o „vasta kola ćhorena e nedužno manušengo rat“ (Poslovice 6:16, 17).
-
O Devel brinini pe ando svako manuš. Na samo so svako amendar đanela „pi muka hem pi dukh“, nego hem o Jehova đanela odova (2. Letopisa 6:29, 30).
Prekalo po Kraljevstvo, o Jehova pana hari ka ćhinavi svakone manušesi muka (Matej 6:9, 10). Ði na avela odova vreme, ov mangipaja utešini okolen kola iskreno rodena le (Dela apostolska 17:27; 2. Korinćanima 1:3, 4).
RAZMISLIN AKALESTAR
Sose o Devel dozvolini o muke?
O odgovor šaj te arakhe ki Biblija ko RIMLJANIMA 5:12 hem ki 2. PETROVA 3:9.
Dikhen hem akava
OSNOVNA BIBLIJAKE SIKLJOVIBA
Sose o Devel dozvolini te oven o lošnipe hem o muke?
But manuša ko sveto pućena pe sose isi odobor muke hem mržnja. O odgovor kova dela i Biblija tano but logično hem šaj te utešini amen.
AMENDAR
Sose te sikljove andi Biblija
Ko celo sveto bute manušenđe i Biblija dela odgovorija ko važna pućiba ko životi. Da li bi mangeja hem tu te ove jekh olendar?
