LEKCIJA 02

I Biblija dela nadež

MUKH

Bute manušen avdive isi len problemija kola so kerena te oven tažna, sekirime, pa čak te osetinen dukh. Dali tuke da slučingja pe nešto so kergja te osetine tut agjaar? Šaj pharo tuke adaleske so isi tut nesavo nasvalipe ili adaleske so mulo tutar nekoj kas so mangljan. Šaj pučea tut: „Dali o životo nekogaš ka ovel pošukar?“ O odgovor ko akava pučibe arakhljovela ki Biblija hem ov šaj but te ohrabrinel amen.

1. Sar i Biblija dela nadež?

I Biblija objasninela soske avdive isi but problemija. Ama isto agjaar, oj vakerela amenge jekh šukar haberi kaj o Devel panda hari ka cidel sa akala problemija. O vetuvanja tari Biblija šaj te den tut „idnina hem nadež“. (Čitin Eremija 29:11, 12.) Akala vetuvanja šaj te pomožinen amenge te ikljova ko krajo amare problemencar, te ovel amen pozitivno stavi hem uverinena amen kaj šaj te ova bahtale zasekogaš.

2. Savi idnina vetinela i Biblija?

Ki Biblija pišinela kaj ki idnina „meribe nane te ovel više, ni žalibe, ni rojbe, ni dukha“. (Čitin Otkrovenie 21:4.) O problemija so kerena e manušen avdive te oven bizi nadež, sar soj o čorolipe, o nepravde, o nasvalipe hem o meribe više nane te postojnen. I Biblija vetinela kaj o manuša šaj te oven bahtale zasekogaš ko raj ki Phuv.

3. Sar šaj te uverine tut kaj o bibliska vetuvanja ka ispolninen pe?

But manuša nadinena pe kaj ka slučinen pe šukar bukja, ama našti te oven sigurna kaj adava čače ka ovel agjaar. Ama, adava so vetinela i Biblija sigurno ka ispolninel pe. Te šaj te uverina amen ko adava, valjani šukar te istražina i Biblija (Dela 17:11). Džikote proučinea i Biblija, šaj korkori te odlučine dali ka verujne ko adava so oj vakerela baši idnina.

DOZNAJN POVIŠE

Dikh save bukja vetinela amenge i Biblija baši idnina. Isto agjaar, dikh sar i nadež tari Biblija pomožinela e manušenge avdive.

4. I Biblija vetinela amenge kaj šaj te živina zasekogaš bizo nisave problemija

Dikh o bibliska vetuvanja soj tane pišime potele. Kola taro adala vetuvanja svidžinena pe tuke najviše, hem soske?

Čitin o stihija kote soj pišime adala vetuvanja, a palo adava keren lafi bašo akala pučiba:

Dali akala stihija šaj te den tut nadež? Dali šaj te den nadež tle familijake hem tle amalenge?

Zamislin tuke kaj živinea ko sveto kote so

NIKOJ...	SEKOJ...
nane te osetinel dukh, te phujrovel ili te merel (Isaija 25:8).	ka dodžakerel ple manglen so ka oven voskresnime, javere lafencar irame ko životo ki Phuv (Jovan 5:28, 29).
nane te ovel nasvalo ili te ovel le nesavo hendikep (Isaija 33:24; 35:5, 6).	ka ovel le šukar sastipe hem sila (Jov 33:25).
nane te doživinel nepravda (Isaija 32:16, 17).	ka ovel le but hajbaske, udobno kher hem buti kolate so ka uživinel (Psalm 72:16; Isaija 65:21, 22).
nane te cidel muke tari vojna (Psalm 46:9).	ka uživinel ko baro mir (Psalm 37:11).
nane te mučinel pe negativna mislencar ili lošna spomenencar (Isaija 65:17).	ka živinel večno ko sovršena uslovija (Psalm 37:29).

5. I nadež tari Biblija šaj te meninel e manušengoro životo

But manuša tane razočarime, pa čak but holjame keda dikhena o problemija okolu lende. Adaleske nesave manuša borinena pe te meninen o bukja ko pošukar. O vetuvanja tari Biblija baši pošuži idnina pomožinena e manušenge panda avdive. Dikh o VIDEOKLIPI, a palo adava keren lafi bašo akala pučiba:

VIDEOKLIPI: Borinava man sine protiv i nepravda (4:07)

Kola nepravde mučinena sine e Rafika?
Sar pomožingja i Biblija e Rafikake, iako o nepravde so dikhela len sine na našavdile?

O vetuvanja tari Biblija baši pošuži idnina šaj te pomožinen amenge keda siem obeshrabrime hem isto agjaar te ačhova bahtale, iako isi amen problemija. Čitin Izreki 17:22 hem Rimjanite 12:12, a palo adava keren lafi bašo akala pučiba:

So mislinea, dali o vetuvanja tari Biblija so dena nadež šaj te keren tlo životo pošukar? Soske?

NESAVE ŠAJ VAKERENA: „O vetuvanja tari Biblija tane previše šukar te šaj te oven čače“.

So mislinea, soske tano važno te istražine o dokazija kaj o bibliska vetuvanja ka ispolninen pe?

SO SIKLILEM

Ki Biblija isi but vetuvanja kaj ka ovel pošukar idnina. Akava dela amen nadež hem kerela amaro životo te ovel pošukar panda akana.

Sar ka odgovorine?

Soske e manušenge valjani nadež?
So vetinela i Biblija baši idnina?
Sar i nadež baši pošukar idnina šaj te pomožinel tuke panda avdive?

I lekcija završingjum la ko:

Cel

Sikljov pošukar o bibliska vetuvanja agjaar so ka čitine o bibliska stihija soj pišime ki akaja lekcija.

Javer cel:

Javer cel

ISTRAŽIN

Doznajn sar šaj i nadež baši idnina te pomožinel okolenge so isi len hronično nasvalipe.

„Šaj li o sovetija tari Biblija te pomožinen mange keda isi man hronično nasvalipe?“ (internet statija)

Džikote dikhea akava muzičko spoti, zamislin sar zaedno tle familijaja uživinea ko životo ko raj so vetinela i Biblija.

Zamisli go denot što doagja (3:37)

Doznajn sar meningja pe o životo jekhe manušeskoro kova so borinela pe sine bašo pravija e manušengere hem e životnengere, otkeda šungja baši nadež so dela i Biblija baši idnina.

„Povekje ne smetam deka jas treba da go smenam svetot“ (Stražarska kula taro 1 juli 2013)

Šaj isto ka interesinel tut

NAJČESTA PUČIBA

Sar izgledinela o biblisko kursi so nudinena e Jehovaskere svedokija?

Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.

OV BAHTALO ZASEKOGAŠ — UVOD BAŠO BIBLISKO KURSI