LEKCIJA 01
Sar šaj te pomožinel tuke i Biblija?
Sarine isi amen pučiba bašo životo, o muke, o meribe hem i idnina. Isto agjaar, sekirinaja amen bašo sekojdnevna bukja, sar na primer, sar te zarabotina dovolno pare bašo životo ili sar te ovel amen bahtali familija. But manuša halile kaj ki Biblija, na samo so isi odgovorija bašo najvažna pučiba ko životo, nego isto agjaar kaj ki late isi praktična sovetija so šaj te pomožinen amenge ko amaro sekojdnevno životo. Čače, i Biblija šaj te pomožinel sekaske amendar.
1. Ko kola pučiba dela odgovor i Biblija?
I Biblija dela odgovor ko akala važna pučiba: Sar ulo o životo? Koja tani i smisla e životoskiri? Soske o manuša cidena muke? So ovela nekasaja keda merela? Iako sarine mangena te ovel mir, soske isi doborom but vojne? So ka ovel e phuvjaja ki idnina? Milionja manuša tane bahtale so arakhle o odgovorija bašo akala pučiba ki Biblija.
2. Sar šaj i Biblija te pomožinel amenge te ova bahtale ko životo?
Ki Biblija isi but korisna sovetija. Na primer, oj šaj te pomožinel amenge te ovel amen bahtali familija, te ikljova ko krajo keda isi amen stres hem te sikljova te uživina ki amari buti. Džikote razgledinaja akava materijali, ka doznajne so vakerela i Biblija bašo akala hem but javera bukja. Ko krajo, tu da šaj ka soglasine tut kaj „celo Lil [sa adava so pišinela ki Biblija] tano... korisno“ (2. Timotej 3:16).
Akaja publikacija nane zamena baši Biblija. Namesto adava, oj pottikninela tut te istražine i Biblija. Adaleske, ka ovel šukar te čitine o stihija so isi ko akala lekcie hem te razmisline sar ola tane povrzime adalea so sikljovea.
DOZNAJN POVIŠE
Dikh sar i Biblija pomožingja nesave manušenge, sar šaj te uživine džikote čitinea la hem soske tano šukar nekoj te pomožinel tuke te haljove la.
3. I Biblija šaj te del amen mudro vodstvo
Isto sar jekh baterisko lampa koja so sikavela amenge o drumo keda tano temno, agjaar i Biblija šaj te sikavel amenge sar šaj te ana šukar odluke ko životo hem vakerela amenge so adžikerela amen ki idnina.
Čitin Psalm 119:105, a palo adava keren lafi bašo akala pučiba:
-
So mislingja baši Biblija o pisateli taro akava psalm?
-
So mislinea tu baši Biblija?
4. I Biblija šaj te del amen odgovor ko amare pučiba
Jekh džuvli arakhlja o odgovorija ki Biblija bašo pučiba so mučingje la beršencar. Dikh o VIDEOKLIPI, a palo adava keren lafi bašo akala pučiba:
-
Kola pučiba mučinena sine akale džuvlja?
-
Sar pomožingja lake o proučibe i Biblija?
I Biblija pottikninela amen te puča pučiba. Čitin Matej 7:7, a palo adava keren lafi bašo akava:
-
Dali isi tut nesave pučiba kolenge i Biblija šaj te del tut odgovor?
5. Tu šaj te uživine džikote čitinea i Biblija
But manuša uživinena te čitinen i Biblija adaleske soj tane svesna kaj oj šaj but te pomožinel lenge. Dikh o VIDEOKLIPI, a palo adava keren lafi bašo akala pučiba:
-
So mislinena o terne taro akava videoklipi bašo čitibe i Biblija?
-
Soske ola mangena te čitinen i Biblija?
I Biblija vakerela kaj lakere sovetija šaj te den amen uteha hem nadež. Čitin Rimjanite 15:4, a palo adava keren lafi bašo akava pučibe:
-
Dali mangea te džane poviše bašo adava sar i Biblija šaj te del tut uteha hem nadež?
6. O javera šaj te pomožinen amenge te haljova i Biblija
Osven so čitinena i Biblija korkori, but džene halile kaj pomožinela lenge adava da so kerena e javerencar lafi baši late. Čitin Dela 8:26-31, a palo adava keren lafi bašo akava pučibe:
-
Sar šaj te haljova i Biblija? (Dikh o stihija 30 hem 31.)
E Etiopjaneske valjangja pomoš te šaj te haljovel adava so čitinela sine. Bute dženenge koristinela adava so kerena lafi e javerencar baši Biblija
NESAVE ŠAJ VAKERENA: „Samo ka našave tlo vreme ako proučinea i Biblija“.
-
So ka vakere tu, hem soske?
SO SIKLILEM
I Biblija dela sovetija bašo sekojdnevno životo, dela odgovor ko važna pučiba hem dela uteha hem nadež e manušenge.
Sar ka odgovorine?
-
Save sovetija šaj te arakha ki Biblija?
-
Ko kola pučiba dela odgovor i Biblija?
-
Bašo kola bukja mangea te džane nešto poviše tari Biblija?
ISTRAŽIN
Dikh sar šaj o bibliska sovetija te pomožinen tuke avdive.
„Biblijata krie bezvremenska mudrost“ (Stražarska kula br. 1, 2018)
Dikh sar i Biblija pomožingja jekhe manušeske kova so borinela pe sine negativna čuvstvoncar panda taro tiknipe.
Dikh nesave praktična sovetija so dela i Biblija e familienge.
Dikh sar i Biblija sikavela koj čače vladinela e svetoja.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
