Дали о пророштвија башо Месија докажинена кај о Исус сине о Месија?
Со вакерела и Библија:
Оја. Џикоте сине ки Пхув, о Исус исполнинѓа бут пророштвија башо „Месијанско водачи“, окова со ка спасинел о свето (Даниел 9:25; 1. Јованово 4:14). Чак пало пло мерибе, о Исус понадари да исполнинела сине о пророштвија башо Месија (Псалм 110:1; Дела 2:34-36).
Со значинела о лафи „Месија“?
О хебрејско лафи со превединела пе сар Месија хем о грчко лафи со превединела пе сар Христос, значинена „помазанико“. Спрема адава, „Исус Христос“ значинела „о Исус, о помазанико“ или „о Исус, о Месија“.
Ко пурано време, окола со добинена сине посебно положба, бут пути сине помазиме аѓаар со ко шеро чхорела пе сине ленге масло (3. Мојсеева 8:12; 1. Самоилова 16:13). О Исус сине помазимо таро Девел те овел о Месија хем адалеа сине леске дендо баро авторитети (Дела 2:36). Ама, о Девел на помазинѓа ле маслоја, него свети духоја (Матеј 3:16).
Дали шај повише мануша те исполнинен о пророштвија башо Месија?
На. О библиска пророштвија сикавена кај иси само јекх Месија или Христос. Сепак, и Библија предупрединела амен кај ка појавинен пе бут мануша со ка ховавен кај тане о Христос или ка вакерен кај тане пророкија хем ка керен баре чудија коленцар со ка манген те ховавен буте манушен, па чак е биримен (Матеј 24:24).
Дали о Месија ка појавинел пе ки иднина?
На. И Библија пророкујнѓа кај о Месија ка авел таро е Давидескоро потомство (Псалм 89:3, 4). Ама, о еврејска извештаија баши е Давидескири фамилијарно лоза нашавдиле, веројатно кеда о Римјања освојнѓе о Ерусалим ко 70 берш а.е. a Таро адава време, никој нашти сине те докажинел кај тано тари е Давидескири царско лоза. Ама, ко е Исусескоро време постојнена сине адала извештаија хем чак лескере душмања џанена сине кај ов тано е Давидескоро потомцо (Матеј 22:41-46).
Кобор пророштвија башо Месија иси ки Библија?
Нашти точно те вакерел пе кобор пророштвија иси башо Месија. На пример, о начин сар гејнена пе о пророштвија шај те овел различно, чак кеда тано јасно кај несаве стихија тане башо Месија. Ко извештај таро Исаија 53:2-7 тане спомниме некобор деталија башо Месија. Некој шај дикхела цело извештај сар јекх пророштво, а јавера секова детали сар посебно пророштво.
Несаве пророштвија башо Месија со исполнинѓе пе упро Исус
Пророштво |
Аракхљола ко |
Исполнибе |
|---|---|---|
Е Авраамескоро потомство |
1. Мојсеева 22:17, 18 |
|
Потомцо таро е Авраамескоро чхаво о Исак |
1. Мојсеева 17:19 |
|
Бијамо ко Израелско племе Јуда |
1. Мојсеева 49:10 |
|
Авела тари е Давидескири царско лоза |
Исаија 9:7 |
|
Бијанѓа ле чхај |
Исаија 7:14 |
|
Бијамо ко Витлеем |
Михеј 5:2 |
|
Добинѓа о анав Емануел b |
Исаија 7:14 |
|
Скромно почеток |
Исаија 53:2 |
|
Тикне чхаве сине мударде откеда бијандило |
Еремија 31:15 |
|
Викимо таро Египет |
Осија 11:1 |
|
Викимо Назареќанцо c |
Исаија 11:1 |
|
Англедер лесте ало гласнико |
Малахија 3:1 |
|
Помазимо сар Месија ко 29 берш а.е. d |
Даниел 9:25 |
|
О Девел признајнѓа ле сар пло Чхаво |
Псалм 2:7 |
|
Ревно башо е Девлескоро кхер |
Псалм 69:9 |
|
Објавинѓа о шукар хабери |
Исаија 61:1 |
|
Лескири служба анѓа бари светлина ки Галилеја |
Исаија 9:1, 2 |
|
Керѓа чудија исто сар о Мојсеј |
5. Мојсеева 18:15 |
|
Исто сар о Мојсеј, ов вакерела сине е Девлескере мисле |
5. Мојсеева 18:18, 19 |
|
Сасљарѓа буте манушен |
Исаија 53:4 |
|
На привлечинела сине о внимание ки песте |
Исаија 42:2 |
|
Сикавела сине сочувство околенге со сине мучиме |
Исаија 42:3 |
|
Сикавела сине е Девлескири правда |
Исаија 42:1, 4 |
|
Дела сине бут шукар советија |
Исаија 9:6, 7 |
|
Објавинѓа е Јеховаскоро анав |
Псалм 22:22 |
|
Керела сине лафи споредбенцар |
Псалм 78:2 |
|
Водачи |
Даниел 9:25 |
|
Бут џене на верујнѓе ки лесте |
Исаија 53:1 |
|
Аголно бар |
Исаија 8:14, 15 |
|
Отфрлимо таро мануша |
Псалм 118:22, 23 |
|
Мрзимо бизи причина |
Псалм 69:4 |
|
Кхувѓа ко Ерусалим бешиндор упро хер |
Захарија 9:9 |
|
Фалинена ле сине о чхаве |
Псалм 8:2 |
|
Ало ко е Јеховаскоро анав |
Псалм 118:26 |
|
Издајнѓа ле лескоро паше амал |
Псалм 41:9 |
|
Издајмо башо 30 сребреникија e |
Захарија 11:12, 13 |
|
Мукхле ле о амала |
Захарија 13:7 |
|
Ховавне сведокија сведочинѓе против лесте |
Псалм 35:11 |
|
Чутинѓа англо адала со кривинена ле сине |
Исаија 53:7 |
|
Чхунгарѓе ле |
Исаија 50:6 |
|
Кхувѓе ле ко шеро |
Михеј 5:1 |
|
Сине камшикујмо |
Исаија 50:6 |
|
На спротивставинѓа пе околенге со марѓе ле |
Исаија 50:6 |
|
О владетелија кхединѓе пе против лесте |
Псалм 2:2 |
|
Лескере васта хем пре сине ковиме ко стубо |
Псалм 22:16 |
|
Фрдинѓе ждрепка лескере шеенѓе |
Псалм 22:18 |
|
Дикхле ле сар грешнико |
Исаија 53:12 |
|
Понижимо хем вреџимо |
Псалм 22:7, 8 |
|
Цидинѓа муке башо е јаверенгере гревија |
Исаија 53:5, 6 |
1. Петрово 2:23-25 |
Дикхјола сине сар те пхене мукхља ле о Девел |
Псалм 22:1 |
|
Денѓе ле те пиел мол мешими жолчкаја |
Псалм 69:21 |
|
Сине жедно англедер те мерел |
Псалм 22:15 |
|
Предајнѓа пло духо е Девлеске |
Псалм 31:5 |
|
Денѓа пло живото |
Исаија 53:12 |
|
Денѓа откупнина која со ка цидел о грево |
Исаија 53:12 |
|
Нијекх кокало на сине лестар пхаго |
Псалм 34:20 |
|
Сине посавдо |
Захарија 12:10 |
|
Сине парумо машкар о барвале |
Исаија 53:9 |
|
Сине воскреснимо |
Псалм 16:10 |
|
Адава со издајнѓа ле сине заменимо |
Псалм 109:8 |
|
Бешља тари е Девлескири десно страна |
Псалм 110:1 |
a Ки јекх енциклопедија пишинела: „Најверојатно о извештаија башо еврејска племија хем фамилие сине уништиме кеда сине уништимо о Ерусалим, а на англедер“ (McClintock and Strong’s Cyclopedia).
b О хебрејско анав Емануел значинела „о Девел тано аменцар“ хем акава шукар опишинела е Исусескири улога сар Месија. Адава со ов сине ки Пхув хем о буќа со керѓа лен сикавена кај о Девел тано пле слугенцар (Лука 2:27-32; 7:12-16).
c О израз „Назареќанцо“ авела најверојатно таро хебрејско лафи нецер, кова со значинела „фиданка“ или „потомцо“.
d Ако мангеа те џане сар и библиско хронологија сикавела кај о Месија појавинѓа пе ко 29 берш а.е., дикх ки фуснота 13, таро лил Со сикавела амен и Библија?
e Акава пророштво аракхљола ко лил Захарија, ама о библиско писатели о Матеј вакерела кај сине вакердо таро о пророко о Еремија (Матеј 27:9). Ко лескоро време, о лил Еремија понекогаш чхивела пе сине ко почеток таро дело „О пророкија“ ко Света списија (Лука 24:44). Кеда о Матеј вакерѓа „Еремија“, веројатно мислинѓа ко повише лила коте сој вклучимо хем о лил Захарија.
