„Адава со о КОВИД-19 повише нане вонредно состојба ко цело свето на значинела кај о састипе е манушенгоро ко цело свето нане те овел ки опасност... Кеда ка појавинел пе јавер пандемија — а ка појавинел пе — мора те ова спремна“ (Д-р Тедрос Аданом Гебрејесус, генералено директори ки Светско здравствено организација, 22 мај 2023 берш).

 Сар последица тари пандемија КОВИД-19 бут мануша иси лен проблемија пле физичко хем ментално састипаја. Дали о владе хем о здравствена институцие шај те решинен адала проблемија? Ка овен ли спремна баши јавер пандемија?

 И Библија керела лафи баши јекх влада со ка обезбединел здравствено грижа која со ваљани е манушенге. Ој вакерела кај „о небесно Девел ка ваздел царство“, јавере лафенцар ка керел јекх влада (Даниел 2:44). Кеда ка владинел адава царство, „нијекх со живинела ки пхув нане те вакерел: ‘Насвало сиум‘“ (Исаија 33:24). Секоле мануше ка овел ле шукар састипе хем ка овел пхердо терникане силаја (Јов 33:25).