O Jehovas amendar kamel verno laska. (Micheáš 6:8; poznamka tel e čjara) Ada kampel hlavňe andro manželstvo. Bije verno laska našťi jekh avreske paťal. Te paťan jekh avreske, e laska barola.

Adaďives e verno laska našľol. Te chraňinen tumaro manželstvo, mušinen te kerel duj veci.

SO PHENEL E BIBLIJA: Aven tumenge ista, hoj džanen, so hine dvoležiteder veci. (Filipanom 1:10) O manželstvo hino jekh le nekdvoležiteder vecendar andro tiro dživipen. Dikh pre ada avka!

O Jehovas kamel, hoj tut la romňaha, le romeha te el šukar dživipen. (Kazateľ 9:9) Phenel, kaj tumen jekh pal avreste te starinen a te keren savoro, kaj tumenge jekhetane te el mište. (1. Korinťanom 10:24) Snažin tut, kaj tiri romňi, o rom te dikhel, hoj hino igen dvoležito prekal tute a hoj sal rado andro manželstvo.

SO ŠAJ KERES:

• Arakhen tumenge praviďelňe časos jekh pre avreste. Ada časos de ča tira romňake, le romeske

• Slobodna manuša keren rozhodnuťja korkore, ale ko hino romeste, mušinel te kerel rozhodnuťja jekhetane la romňaha, le romeha

SO PHENEL E BIBLIJA: Oda, ko dikhel pre [cudzo romňi] a andre peskeri goďi laha kamel te pašľol, oda imar [scudzoložinďa] andre peskero jilo. (Matuš 5:28 NZ) Te vareko furt mišľinel pro ňemravna veci, del pes te phenel, hoj hino ňeverno.

O Jehovas phenel, kaj te chraňines peskero jilo. (Príslovia 4:23; Jeremiáš 17: 9) Vašoda de pozoris pre soste dikhes! (Matúš 5:29, 30) O Jób amenge hino lačho priklados, bo kerďa zmluva le jakhenca, hoj ňigda na dikhela pre cudzo romňi avka, kaj la te kamel. (Jób 31:1) Ňigda ma dikh pre pornografija! Kam ča la romňa, le romes a ma domukh, kaj tut te zakames andre averdženo!

SO ŠAJ KERES:

• Sikav avrenge, hoj sal verno la romňake, le romeske

• Dikh pre ada, sar pes šunel tiri romňi, o rom a ukončin takoj dojekh kamaratstvo, so lake abo leske nane pre dzeka