LEKCIJA 2
E Biblija sikavel, so šukar hin angle amende
O manuša pal calo svetos zadživen bare nalačhipena, ciťinen bari žaľa, trapišagos a na džanen, so dureder. Sas the tuke varekana avka? Šaj zadžives bari dukh, bo sal nasvalo abo tuke muľa vareko, kas igen kamehas. Akana šaj phučes: „Ela varekana feder dživipen?“ Andre Biblija arakheha ajse šukar lava, savendar pale chudeha zor.
1) So pes dodžanas la Biblijatar?
E Biblija na sikavel ča oda, soske hin andro svetos ajci but trapišagos. Tiš vakerel pal e lačhi sprava, hoj ada savoro nalačhipen adaj na ela pro furt. Andre Biblija genas šukar lava „dava tumen dživipen the naďej“. (Pregen Jeremiáš 29:11, 12) Ala lava amenge den zor te ľikerel avri andro pharipena, te dikhel pro dživipen aver jakhenca a šaj peske avas ista, hoj hin angle amende bachtalo dživipen pro furt.
2) So šukar hin angle amende?
E Biblija phenel, hoj imar na ela „o meriben aňi e žaľa, aňi o roviben, aňi e dukh.“ (Pregen Zjavenie 21:4) Choč hin andro svetos čoripen, nalačhipen, nasvaľiben the meriben, jekhvar ada savoro preačhela. E Biblija vakerel, hoj o manuša radisaľona le dživipnastar andro rajos pre phuv pro furt.
3) Čačes pes ala lava ačhena?
Manuša phenen, hoj ela feder, aľe na džanen, či pes lengere lava ačhena. Kaske šaj paťas? Andre Biblija nane manušengere lava, vašoda šaj lenge paťas. So kampel te kerel? O manuša paťanďile akor, sar „čačeste sikhľonas o čačipen andal le Devleskero lav.“ (Skutky 17:11) Sar sikhľoha andal e Biblija, dikheha, hoj šaj the tu paťas oleske, so šukar amen užarel.
DODŽAN TUT BUTER
So phenel e Biblija pal oda, so amen užarel. Dikh, sar amen ala lava zoraľaren imar adaďives.
4) E Biblija phenel, hoj adaj dživaha pro furt andro rajos
Dikh teleder, so šukar sľubinel e Biblija. So tut chudel le jilestar? Soske?
Pregen ola biblicka teksti, so hine andre ramčeki a paľis vakeren jekhetane:
-
So phenes, hazdle tut upre ala lava? Šaj pomožinel oda, so sikhľos the tira fameľijake abo le kamaratenge?
Užarel amen o dživipen, kaj
|
IMAR ŇIKO NA ZADŽIVELA ... |
SAKO ZADŽIVELA ... |
|---|---|
|
|
|
|
|
|
|
|
|
|
5) Džanas, so lačho užaras – vašoda dikhas pro svetos aver jakhenca
But manuša na birinen a hine choľamen le nalačhipnastar, so dikhen khatar peste. Vareko pes kamel te marel, kaj o svetos te el feder. Dikh, sar lava andal e Biblija pal oda, so lačho užaras, pomožinen le manušenge imar adaďives. Mukh o VIDEJO a paľis vakeren jekhetane.
-
Savo nalačhipen zadživelas e Rafika?
-
Sar lake pomožinďa e Biblija, choč dureder khatar peste dikhel o nalačhipen?
Oda, so šukar hin angle amende, amen zoraľarel, kaj pes te na vzdas a kaj te radisaľuvas the prekal o pharipena. Pregen Príslovia 17:22 the Rimanom 12:12 a paľis vakeren jekhetane:
-
Šaj ačhel tiro dživipen feder, te džanes, so amen užarel? Soske?
VAREKO ŠAJ PHENEL: „Na paťav, hoj varekana ajso šukar svetos ela.“
-
So phenes, soske kampel te rodel, či pes ola lava andal e Biblija čačes ačhena?
SO SIKHĽIĽAM
Andre Biblija arakhas but šukar lava, so pes čačes ačhena. Oda amen hazdel upre a amaro dživipen hino feder.
So bi phenehas
-
Soske kampel le manušenge dživipen bijo pharipena?
-
So phenel e Biblija pal oda, so šukar amen užarel?
-
Sar tuke imar akana pomožinel oda, hoj džanes, so lačho amen užarel?
DIKH TUKE BUTER
Pregen tuke, sar igen pomožinel oda, so šukar hin angle amende.
„Nádej – kde ju možno nájsť?“ (Prebuďťe sa! z 22. apríla 2004)
Pregen tuke, sar lava andal e Biblija pomožinen, te hin vareko igen nasvalo.
„Môže mi Biblia pomôcť vyrovnať sa s chronickou chorobou?” (arakheha pre jw.org)
Sar šuneha kadi giľi, predstavin tuke, hoj sal peskera fameľijaha andro rajos.
Pregen tuke pal jekh murš, saveske e Biblija pomožinďa, kaj te dikhel pro svetos aver jakhenca.
„Už nemám pocit, že musím zmeniť svet” (Strážna veža z 1. júla 2013)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
