Le Jehovaskere svedki tumenge lokes sikavena, sar feder te achaľol la Biblijake. Oda, hoj sikhľona la Biblijatar tumenge pomožinela:

• te dživel feder dživipen

• te el lačho le Devleha

• te sprindžarel, so šukar amen užarel

Dodžaneha tut

•  Sar pes študinel e Biblija?

•  Poťinel pes vaš o študijum?

•  Keci ľikerel ajso študijum?

•  Sar šaj chudav te študinel?

•  Šaj mange vareko ča sikavel, sar pes študinel e Biblija?

•  Mušinava te ačhel le Jehovaskero svedkos, te chudava te študinel?

•  Šaj paš o študijum genav andal e miri Biblija?

•  Šaj vičinav the avren pro študijum?

•  Te imar varekana študinavas, šaj pale študinav?

•  Šaj študinav e Biblija the avka, hoj man ňiko na sikhľarela?

Oda, ko tut sikhľarela, tuke pomožinela feder te achaľol la Biblijake. Prekal e kňižka Nekfeder dživipen akanastar pro furt! sig sikhľoha, pal soste hiňi e Biblija a so lačho tut šaj del andro dživipen. Dikh o videjo, kaj te džanes, sar oda hin.

Na. Amen, le Jehovaskere svedki, šunas oda, so phenďa o Ježiš: „Hijaba chudňan, hijaba den.“ (Matúš 10:8, NZ) Vašoda pes na poťinel vaš e Biblija, aňi vaš e kňižka Nekfeder dživipen akanastar pro furt!

Pre ajso študijum pes rozkidel 60 lekciji. Hin pre tute, keci kames te prelel pre jekh študijum. Vareko prelel jekh lekcija vaš o kurko, vareko buter lekciji vaš o kurko.

1. 1) Pisin avri o formularis pre amari stranka. Te odoj pisineha vareso pal tute, hin oda ča vašoda, kaj tut paľis vareko le Jehovaskere svedkendar te džanel te arakhel.

2. 2) Oda, ko tut sikhľarela, tuke pisinela, vičinela abo avela ke tute. Phenela tuke, sar pes študinel e Biblija. Te kameha lestar vareso te phučel, jilestar tuke odphenela.

3. 3) Tu the oda, ko tut sikhľarela, pes dothovena, kana the kaj študinena. Šaj pes varekaj arakhen, šaj študinen prekal o telefonos abo internetos. Študijum šaj ľikerel jekh ori, abo ča vajkeci minuti. Hin pre tute, keci kameha te študinel.

Ha. Pisin avri o formularis pre amari stranka. Te tuke vičinela oda, ko tut sikhľarela, phen leske, hoj kames ča te dikhel, sar pes študinel e Biblija. Ov tuke dela e brožura Nekfeder dživipen akanastar pro furt! kaj hin ča trin lekciji a tu dikheha, či tut oda chudela le jilestar.

Na. Le Jehovaskere svedki rado sikhľaren avren la Biblijatar. Ňikas na ispiden, kaj te ačhel le Jehovaskero svedkos. Sikaven le manušenge, so vakerel e Biblija, aľe imar sako manuš peske mušinela te kidel avri, andre soste paťala. (1. Petra 3:15)

Ha. Amen rado genas Biblia – Preklad nového sveta, bo ola lava andre late nane phurikane a del pes lenge lokes te achaľol. Aľe achaľuvas, hoj varesave manuša hine sikade pre peskere Bibliji.

Ha, šaj vičines la fajta, le kamaraten abo kas kames.

Ha. Dikheha, hoj akana tut o študijum mek buter chudela le jilestar. Hin kerdo pal nevo avka, hoj pro študijum pes mukhen the o videja, čepeder pes genel a buter pes vakerel.

Ha, del pes. Vareko hino ajso, hoj buter achaľol, te leske oda vareko aver višvetľinela. A varekaske hin feder, te sikhľol korkoro. Andro kotor „Soha študinas e Biblija“ hine varesave pomocki, sar feder te študinel e Biblija. Adaj hine varesave lendar:

• O videji, sar tuke študines. Kala charne videji sikaven o čačipen andal e Biblija.

• Odpovede na biblické otázky. Kala članki odphenen pre oda, so but manuša kamen te džanel.

• Vysvetlenie biblických veršov. Rozkiden pes odoj verši andal e Biblija, kaj lenge feder te achaľuvas.