20 de enero de 2024 huatapimi Mateo y Marcos librocuna señas cubano shimipi llujshishca nishpami villarca. Chaimi La Habana llactapi shuj especial tandanajuita rurarca. Chai tandanajuipi cashcacuna señas shimipi llujshishca librocunatami chai rato jw.org paginaman yaicushpa descargaita usharca.

Cuba llactapica 53.000 rinri na uyaj gentecunami tian. 1990 huatacunapica rinri na uyaj gentecunaman predicangapami ninanda esforzarirca. Shinallata 2011 huatapica señas cubano shimipimi callari publicacionguna llujshirca. Cunanbica 756 huauquipanicunami 28 congregaciongunapi y 10 uchilla grupocunapipash señas shimipi sirvinajun.

Primera vez Mateo y Marcos librocunata señas shimipi traducishcamandami shuj huauquiguca cashna nirca: “Marcos 7:32-37​ta ricushpaca Jesusca rinri na uyaj jarita jambishcatami ricurcani. Chaimi ñucata shina pasajtashna yarishpaca shungumanmi chayahuarca. Chaimi paraisopi imashna causanata pensarita usharcani. Chaimandami cai ishcai librocunata traducishcamanda ninanda agradicipani” nircami.

Cuba llactapi rinri na uyaj gentegucuna Jehová Diospa regalota chasquishcamandaca ninandami cushijupanchi. Señas cubano shimipi cai ishcai librocunata gentecuna ricushpaca ashtahuan Jehová Diosta tucui shunguhuan tucui causaihuan y tucui yuyaihuan juyanataca seguromi capanchi (Marcos 12:30).