“Mundo enteropi COVID-19 pandemia tucurishca cajpipash ‘COVID-19 unguica mundo enteropi gentecunapaca ñana peligrosochu can’ nishpa na pensanachu capanchi. [. . .] Shinallata shuj mushuj pandemia tianataca seguromi canchi. Chai pandemia ricurina tiempopaca listo, preparadomi cana canchi” (Dr. Tedros Adhanom Ghebreyesus, Director General de la Organización Mundial de la Salud, 22 de mayo de 2023).

 COVID-19 pandemia tiashcamandaca ashtaca gentecunaca cunangamanmi nanaicunata charin. Na cashpaca depresión, ansiedad o chashna laya shuj unguicunata charishpami nali sintirin. Shinaca shuj mushuj pandemia ungui ricurina tiempopaca ¿gobiernocunapash, gentecuna sano cachun ayudaj organizaciongunapash listo, preparadocunachu canga? Cunanbi ñucanchita llaquichij nanaicunata, unguicunataca ¿paicunaca tucuchita ushangachu?

 Bibliapica ciertopacha sano causachun shuj gobierno ñucanchita ayudanata ricuchingapaca cashnami nin: ‘Taita Diosca shuj mandana llactatami churanga’ nishpa (Daniel 2:44). Chai mandana llacta o chai Gobierno cai alpata mandajujpica “pipash na: ‘Ñucaca huañujunimi’ ninajungachu” (Isaías 33:24). Chai tiempopica tucuicunallatami sano causapashun y joven cashca punllacunapishna fuerzasta charipashun (Job 33:25).