Apocalipsis 4:1-11
4 Chai jipaca, jahua cielopi shuj pungu pascarijtami ricurcani. Primero parlajujca shuj trompeta huacajuj cuendami uyarirca. Chai parlajujca cashnami nihuarca: “Caiman vitsamui.* Quiquinmanga ima pasana cosascunatami ricuchigrijuni” nishpa.
2 Chai jipaca, ñapashmi Taita Diospa espíritu santoca ñucapaman shamurca. Chaimi mandangapaj tiarina shuj pushtuta* jahua cielopi ricurcani. Chaipica pichari tiajujtami ricurcani.
3 Y chai pushtupi tiajujca jaspe nishca rumigushnalla, sardio nishca juyailla puca rumigushnallami brillajurca. Chai tiarina pushtu muyundipica esmeralda* nishca rumigushnalla cuichimi tiarca.
4 Chai tiarina pushtu muyundipica, mandangapaj tiarina 24 pushtucunapashmi tiarca. Chai tiarina pushtucunapica, 24 ancianocuna tianajujtami ricurcani. Paicunaca yura ropata* churajushcacunami carca y umapica oro coronata churajushcami carca.
5 Mandangapaj tiarina pushtumandaca, rayocunami punchapambata ricurirca, shinllita culun nijujpashmi uyarirca y shuj parlopashmi uyarirca. Chai tiarina pushtu ñaupapica, 7 lamparacunami prindirianajurca. Chai lamparacunaca, Taita Diospa 7 espiritucunatami* ricuchijurca.
6 Chai tiarina pushtu ñaupapica, vidrioshnalla brillajuj claro claro mar yacumi tiarca.
Chai tiarina pushtu chaupipipash y muyundipipash, chuscu querubingunami* tiarca. Chaicunaca ñaupamanbash huashamanbash ñavilla jundami carca.
7 Primer querubinga leonshnallami carca. Cati querubinga jari huagrashnallami carca. Tercer querubinga gentepa ñavishna ricujujmi carca. Cutin último querubinga volajuj aguilashnallami carca.
8 Chai chuscu querubingunaca cada unomi 6 alasta charirca. Chai alascunaca, gulpi alas entero ñavilla jundami carca. Chai querubingunaca tuta y punllami ninajurca: “Jehová* Diosca santo, santo, santomi can. Paica Tucui Ushaita Charijmi can. Paica cunanbash causajuj, pundapash causajushcami can y paimi shamunapash can”.
9 Chai querubingunaca, mandangapaj tiarinapi tiajuj para siempre causajuj Taita Diostami jatunyachinajurca, respetanajurca y agradicinajurcapash.
10 Chaimi 24 ancianocunaca, mandangapaj tiarinapi tiajuj Taita Diospa ñaupapi cungurishpa, para siempre causajuj Taita Diosta adoranajurca. Paicunaca, mandangapaj tiarina pushtu ñaupapi paicunapa coronata churashpami cashna ninajurca:
11 “Ninan poderta charij ñucanchi Jehová* Dioslla, quiquinmi jatunyachi tucuna derechotapash y respetai tucuna derechotapash charipangui. Porque quiquinmi tucuita rurapashcangui. Quiquinba voluntadmandami tucui ima cashpapash tian” ninajurcami.
Notacuna
^ O “sicamui”.
^ Griego shimipica “tronota” nijunmi.
^ Caica verde color, esmeralda shuti juyailla rumigumi carca.
^ O “llachapata”.
^ Querubingunaca importantepacha angelcunami can.
