Taita Diosca pai munashcashna mañaj gentecunataca uyanmi. Bibliapica huaquin gentecuna Taita Diospa ayudata mascashcatami yachachin. Taita Diosta nunca na mañanata yachashca cashpapash Bibliapi tiashca ejemplocunami Taita Diosta mañachun ayudaita ushan.

•   “Ñucata Mandaj Taita Dioslla, ayudahuayari. Can llaquij cashcashnallata quishpichihuayari” (Salmo 109:26).

•   “Ñucaca ninan llaqui, imagupash illajmi causajuni. Taita Dioslla, ucha ñucapajman shamupairi” (Salmo 70:5).

 Bibliapa cai versiculocunata escribij jarica Taita Diospi tucui shunguhuan crishcatami ricuchin. Pero shinlli feta na charijpipash Taita Diosca ali shunguta charij gentecunapa mañaitaca uyanmi. Bibliapica “shungupi ninanda llaquirishpa causajcunapaj” mañaitaca Taita Diosca uyanmi nin (Salmo 34:18).

 Huaquinbica Taita Diosca carupimi can ñucanchi ima pasajujtaca na yachangapaj munangachu yashpami pensaita ushanchi. Pero Bibliapica cai shimicunatami nin: “Mandaj Diosca, tucuita yali jatunyachi tucushca cashpapash, na jariyashpa mañajujtami uyan. Ashtahuangarin jariyajtaca, carumandallami ricujun” (Salmo 138:6). Jesusca paipa discipulocunamanga cashnami nirca: “Cangunapa umapi mashna ajcha tiajtapashmi alipacha yachan” (Mateo 10:30). Taita Dios ñucanchi umapi imashna ajcha tiajta yachashpa nachu ñucanchi ima llaquicunata charishcata villajpica Taita Diosca uyanga (1 Pedro 5:7).