¿Imaynan Cristoq kutimuynin kanqa?
¿Imaninmi Biblia?
Bibliapiqa askha kutipin willan runakunata juzgananpaq Cristo kutimunanmanta. a Mateo 25:31-33 texton nin:
“Runaq Churinqa llapa angelninkunapiwan lliflli kayninpi kutimuspanmi qhapaq trononpi tiyaykunqa. Jinan llapa nacionkuna paypa ñaupanman juñusqa kanqa, paytaq runakunata t’aqanqa, imaynan michiqpas ovejakunata cabrakunamanta t’aqan jinata. Ovejakunatan paña ladonman churanqa, cabrakunatataq lloq’e ladonman”, nispa.
Chayqa pasanqa “manchay ñak’ariy tiempopin”, chay jinaqa manan ñaupaqpi pasarqanchu. Manchay ñak’ariy tiempoq tukuyninpin Armagedón guerra qallarinqa (Mateo 24:21; Apocalipsis 16:16). Jinan Cristota cheqnikuq cabraman rijch’akuq runakunaqa wiñaypaq wañuchisqa kanqaku (2 Tesalonicenses 1:9; Apocalipsis 19:11, 15). Ovejaman rijch’akuq Dios sonqo runakunataq wiñay kausayta chaskinqaku (Mateo 25:46).
¿Jayk’aqmi Cristo kutimunqa?
Jesusmi nirqan: “Chay p’unchaymanta chay horamantawanmi ichaqa mana pipas yachanchu”, nispa (Mateo 24:36, 42; 25:13). Ichaqa willarqanmi manaraq kutimushaqtin imakunachus pasananmanta (Mateo 24:3, 7-14; Lucas 21:10, 11).
¿Aycha cuerpopichu icha espíritu cuerpopichu Jesús kutimunqa?
Jesusqa espíritu cuerpopin kausarichisqa karqan, chhaynaqa manan aycha cuerpopichu kutimunqa (1 Corintios 15:45; 1 Pedro 3:18). Chaychá Jesusqa wañupunanpaq juj p’unchayllaña faltashaqtin apostolninkunata nirqan: “Juj chikanmantaqa manañan runakunaqa rikuwanqakuñachu”, nispa (Juan 14:19).
Cristoq kutimunanmanta pantasqa yachachikuykuna
Llulla yachachikuy: Bibliapin nin: “Runaq Churintataq rikunqaku atiywan sinchi lliflli kaywan phuyupi jamushaqta”, nispa (Mateo 24:30). Chay textota leespan runakunaqa ninku: “Ñawinchiswanmi rikusun kutimusqanta”, nispa.
Cheqaq yachachikuy: Bibliapiqa askha kutipin phuyumanta rimaspaqa mana rikuna kaqkunamanta rimashan (Levítico 16:2; Números 11:25; Deuteronomio 33:26). Juj kutinmi Diosqa Moisesta nirqan: “Ñoqan ati-phuyupi hamusayki”, nispa (Éxodo 19:9, Diospa Simin Qelqa). Chay kutipiqa Moisesqa manan Diostaqa rikurqanchu. Cristopas phuyupi jamuqtinqa manan runakunaqa ñawinkuwanchu rikunqaku.
Llulla yachachikuy: Cristoq kutimunanmanta rimaspan Apocalipsis 1:7 textopi nin: “Llapa runakunan rikunqaku”, nispa. Chaypi nisqanmantan runakuna ninku: “Cristoq kutimusqantaqa rikusunmi”, nispa.
Cheqaq yachachikuy: Bibliapi “ñawimanta” “rikuymanta” ima rimaspaqa manan ñawinchiswan imatapas rikuyllamantachu rimashan, aswanpas imatapas reparaymanta otaq entiendeymantan mayninpiqa rimashan (Mateo 13:15; Lucas 19:42; Romanos 15:21; Efesios 1:18). b Biblian willan kausarimpusqanmantapacha Jesusqa maypi tiyasqanmanta nishanmi: “Mana achhuykuna k’anchaypin tiyanpas, paytaqa manan pipas rikuranchu ni rikuytapas atinmanchu”, nispa (1 Timoteo 6:16). Chhaynaqa, Bibliapi “llapa runakunan rikunqaku” nisqanwanqa manan runa jina Jesús kutimunanmantachu rimashan, aswanpas imaymana señalkuna cielopi rijuriqtinmi askha runakuna reparanqaku Jesusqa runakunata juzgananpaq kutimusqanta (Mateo 24:30)
Astawan yachanaykipaq
BIBLIAMANTA TAPUYKUNA
¿Iman Armagedón?
Armagedón simi ch’ulla kutillaña Bibliapi rijurin chaypas, chay guerramantaqa askha kutitan Bibliaqa willashan.
BIBLIAPI JATUN YACHACHIKUYKUNA
Diospa gobiernonqa 1914 watamantapachan kamachikushan
2,500 watakuna ñaupaqtan Diosqa pachantinta kamachiq reyman juj mosqoypi willaran juj profeciata, chay profecian kay tiempopi junt’akushan.
QHAWAQ
¿Pitaq Jesucristori?
¿Imaraykun Jesús wañurqan? ¿Imatan kunan Jesús ruwashan? Kay tapuykunaq kutichiynintan Bibliaykipi tarinki.
BIBLIAMANTA YACHACHIKUYKUNA
Imaynatachus Bibliamanta estudiota qoyku chayta yachay
Bibliamanta gratislla yachay.