¿Imanasqataq testigokunaqa huñunakunanku wasita iglesiawanqa mana sutichankuchu?
Griego rimaypi iglesia nispanqa rimachkan huñunasqa iñiqkunamantam, manam huñunakunapaq wasimantachu.
Apostol Pablom Roma llaqtapi kaq iñiqkunaman qillqaspan kuyakuyninta apachirqa Aquilamanwan Priscilaman chaynataq paykunapa wasinpi ‘huñunakuq iglesiamanpas’ (Romanos 16:5, Sagrada Biblia). Chaywanmi yachanchik Pabloqa iñiqmasinkunaman kuyakuyninta apachisqanta, manam huñunakuna wasimanchu. a
Chaymi huñunakunayku wasitaqa iglesiawanqa mana sutichanikuchu.
¿Imanasqataq ninku “Jehova Diospa testigonkunapa huñunakunanku wasi” nispa hinaspa imatam chaypi ruwanku?
“Huñunakunapaq wasi” nispaqa ninku:
Chaypi achka runakuna huñunakusqanraykum.
Chaypi huñunakuspaykum Jehova Diosta yupaychaniku, yachanikutaqmi paymanta imaynata willakunaykupaqpas (Salmo 83:18; Isaias 43:12).
Chaypitaqmi Jesuspa willakusqanman hina Dios kay pachata imayna kamachimunanmanta yachaniku (Mateo 6:9, 10; 24:14; Lucas 4:43).
Kallpanchaykikum huñunakunayku wasiman rispayki imayna kasqanmanta yachanaykipaq.
a Wakin bibliapiqa 1 Corintios 16:19, Colosenses 4:15 hinaspa Filemon 2 nisqan textokunapipas iñiqkunatam iglesiawan sutichan.
Kaykunatapas leeykuy
HUÑUNAKUYKUNA
¿Imaynataq huñunakuyniykuqa?
Huñunakuyniykupi ima ruwasqaykuta yachanaykipaq watukaykamuwayku.
TAPUKUYKUNA
¿Imakunatam ruwaniku enteron pachapi Diosmanta willakunaykupaq?
Jehova Diospa testigonkuna imayna yachachisqa kasqaykumanta yachay.
ÑUQAYKUMANTA
Huñunakuyniykuman hamuy
Huñunakuyniyku imayna kasqanmanta astawan yachay. Yachasqayki lawpi maypi huñunakusqaykumantapas kaypi maskay.