“Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas. Ñawpaq kaqkunaqa pasarunñam”, nispa (Apocalipsis 21:3, 4, Musuq allpa pachapi kawsaqkunapaq biblia).

Ima ruwasqanchikpas allin qispiptinmi kusisqa llamkasun (Isaias 65:21-23).

Manam unqusunchu nitaq ñakarisunchu (Isaias 25:8; 33:24).

Kusisqam wiñaypaq kawsakusun amistadninchikkunawan hinaspa familianchikwan (Salmos 37:11, 29).

Manam, qawasun imanasqa:

• Diosqa atiyniyuqmi promesankuna cumplinanpaqqa. Bibliapiqa Jehova Dioslla “tukuy atiyniyuq” kasqanmantam willakun (Apocalipsis 15:3). Chaymi nichwan kay pachata allichananpaq promesankuna cumpliy atisqanmanta. Bibliapa nisqanman hinaqa ‘Diospaqqa tukuy imapas atinallanmi’ (Mateo 19:26).

• Diosqa munanmi promesankuna cumpliytaqa. Jehova Diosqa munachkanmi wañusqa runakuna kawsarichiytaqa (Job 14:14, 15).

  Bibliaqa nintaqmi unquqkunata Diospa churin Jesus hampisqanmanta. ¿Imanasqam hampirqa? Allinyanankuta munaspanmi (Marcos 1:40, 41). Jesusqa taytan Jehova Dios hinam ñakariqkunata yanapayta munarqa (Juan 14:9).

  Jehova Dioswan Jesusqa hamuq tiempopi kusisqa kawsananchiktam munanku. ¡Manamá chaymantaqa iskayrayachwanchu! (Salmos 72:12-14; 145:16; 2 Pedro 3:9).