¿Haykapipas tukunqachu ñakariy?
¿Ima niwaqtaq?
-
¿“Arí, tukunqam” niwaqchu?
-
¿“Manam tukunqachu” niwaqchu?
-
¿“Ichapas tukunqa” niwaqchu?
BIBLIAM NIN:
“Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas”, nispa (Apocalipsis 21:3, 4, Musuq allpa pachapi kawsaqkunapaq biblia).
¿IMAPIM KAY NISQAN YANAPAWACHWAN?
Yanapawanchikmi Diosqa mana imawanpas ñakarichiwasqanchikta yachanapaq (Santiago 1:13).
Hawkam tarikunchik imayna sientekusqanchikta Dios entiendesqanta yachaspanchik (Zacarias 2:8).
Hamuq tiempopiqa manañam imawanpas ñakarisunchu (Salmos 37:9-11).
¿ISKAYRAYANACHU BIBLIAPA NISQANMANTA?
Manam, qawasun imanasqa:
-
Diosqa chiqninmi mana allin ruwaytawan ñakariytaqa. ¿Imaynataq Dios sientekurqa ñawpaq tiempopi serviqninkunata ñakarichiptinku? Bibliapim nin ‘chiqniqnin runakuna ñakarichiptinku’ llakikusqanmanta (Jueces 2:18).
Diosqa manam allintachu qawan runamasin ñakarichiqkunataqa. Chaymi biblia nin Jehova Diosqa runakuna wañuchiyta chiqnisqanmanta (Proverbios 6:16, 17).
-
Diosqa sapakamamantam preocupakun. Imayna sientekusqaykita mana pipas yachasqanta niptikipas, Diosqa allintam yachan imayna sientekusqaykitaqa (2 Cronicas 6:29, 30).
Jehova Diospa gobiernonpiqa manañam pipas ñakarinqañachu (Mateo 6:9, 10). Chay punchaw chayamunankamam Diosqa ñakariqkunata kuyakuywan consuelaykun (Hechos 17:27; 2 Corintios 1:3, 4).
KAYPI YUYAYMANAY:
¿Imanasqataq Diosqa saqin ñakarinanchikta?
Chaymantam yachawaq ROMANOS 5:12 hinaspa 2 PEDRO 3:9 nisqanpi.