¿Llakisqachu tarikunki wasillaykipi kasqaykirayku? Ichapas tarikunki Salmos qillqaq hina, paymi nirqa: “Sapachallan kaq pichiwchakuna hinam kallani”, nispa (Salmos 102:7 a). Bibliapa yachachikuyninkunaqa yanapasunkim wasillaykipi sapallayki kaspapas mana llakikunaykipaq.

•  Diosmanta astawan yachanaykipaq kallpanchakuy

•  Kallpanchasuqniki textokunata leey

•  Imanasqa sasachakuykuna kasqanmanta yachanaykipaq kallpanchakuy

•  Amayá llumpaytaqa hukmanyaruychu

•  Amistadnikikunawan rimay

•  Ejerciciokunatam ruwawaq

 Diosmanta yachaynikiqa yanapasunkim kusisqa kanaykipaq wasillaykipi kaptikipas (Mateo 5:3, 6). Kaykunatam qawawaq:

•   Internetpi biblia, chayqa leespa chaylla entiendenapaqmi.

•   Bibliamanta yachachiq videokunatam qawawaq.

•   “Bibliamanta tapukuykuna” niqtam maskawaq, chaypim kachkan runakunapa tapukusqankumanta yachachikuykuna.

•   “Iñiyninkuta qatipakunapaq” niqpim tarinki Diosman sunqu runakunamanta.

•   “Kikillanmantachu rikurirqa” niqpipas tarinkim tukuy imakuna suma-sumaq unanchasqa kasqanmanta.

 Achka runakunam hawkayayta tarirqaku qatiqninpi kaq textokunata leespanku, chaykunata hawanpi-ukunpi leenaykimantaqa wasillaykipi kasqaykiraykuyá kallpanchakuy chaykunapi yuyaymananaykipaq hinaspa Jehova Diosta mañakunaykipaq (Marcos 1:35).

•   Salmos 23:1-6

•   Salmos 34:1-22

•   Salmos 46:1-11

•   Salmos 63:6-8

•   Salmos 91:1-6

•   Mateo 6:25-34

•   2 Corintios 1:3, 4

•   Filipenses 4:6, 7

•   1 Pedro 5:6, 7

 Imanasqa sasachakuykunapi kasqanchikta yachaspaykiqa chaynataq chaykunata Jehova Dios imaynata allichananmanta yachasqaykiqa yanapasunkim sasachakuykunata atipanaykipaq (Isaias 65:17).

•   ¿Imanasqam Diosqa ñakariykunata mana chinkachinchu?

•   ¿Ima nintaq bibliaqa unquykuna kasqanmanta? ¿Imaynatam cuidakuchwan unquykunamanta?

•   ¿Imakunaraykum nichwan tukupay punchawkunapiña kasqanchikta?

•   ¿Imakunawantaq tupan tawa caballopi sillakuqkunaqa?

•   ¿Imakunatam Diospa gobiernonqa allichanqa?

 Wasillaykipi kasqaykiwanqa amayá llumpaytaqa hukmanyaruychu (Mateo 6:25). Kaykunamanta yachaymi yanapasunkiman.

•   Imatam ruwachwan imamantapas llumpayta mana llakikunapaq.

•   Imataq yanapawachwan kusisqa tarikunapaq.

•   Amayá llumpaytaqa piensasunchu imawanpas sasachakunanchikpiqa.

•   Amayá llumpaytaqa piensasunchu qullqichanchik mana haypawananchikpiqa.

•   Musu-sipasllaraq kaspapas amayá llumpaytaqa llakikuychu.

 Allin amistadkunaqa kusichiwanchikmi hinaspa kallpanchawanchikmi. Wasikimanta lluqsiyta mana atispaykiqa rimanakuwaqmi amistadnikikunawan telefonontakama utaq videontakamapas, chaynata ruwaspaykiqa manam hukmanyankichu, atinkitaqmi hukkunawan amistad armaytapas. Qatiqnin yachachikuykunam yanapasunki imaynata allin amistadta armanaykipaq chaynataq allin amistad kanaykipaqpas (Proverbios 17:17).

•   ¿Imaynataq allin amistadqa?

•   Kallpanchakuy achka amistadniyuq kanaykipaq.

•   ¿Mana amistadniyuq hinachu tarikunki?

•   Allin amistadkunaqa qukuykuqmi.

•   Allin amistadkunaqa agradecekuqmi kanku.

 Bibliapipas ninmi ejercicio ruwayqa allin kasqanta (1 Timoteo 4:8). Chayta ruwayqa yanapawachwanmi llumpayta mana llakikunapaq. Mana lluqsiyta atispapas atichwanmi ejerciciokuna ruwaytaqa.

•   Ejerciciokunata ruway.

•   Allinlla kanapaq hinaspa llumpayta mana hukmanyarunapaq.