Sabado 13 de abril 2024 watapim Iran nacion Israel nacionman bombakunata kachaykurqa, chay pasakusqanmantam Secretario general de las Naciones Unidas Antonio Guterres nin: “Kunanmi hawkalla kanapaq kallpanchakunanchik, chaynataq controlakuyta yachananchik”, nispa.

 Chaynam enteron allpa pachapi guerrakunaqa kaypi-chaypi kachkan.

 26 de enero de 2023 watapim Consejo de Seguridad de la ONU nin: “Segunda guerra mundial tiempopi hinañam kay tiempopas achka nacionpi guerrakuna kakuchkan, chaymi chay lawpi yachaq 2.000 millonnintin runamasinchikkuna guerra kasqanrayku ñakarichkanku”, nispa.

 Kay nacionkunapim guerra kachkan: Israel, Gaza, Siria, Azerbaiyan, Ucrania, Sudan, Etiopia, Niger, Myanmar chaynataq Haiti nacionpi. a

 ¿Haykapitaq guerrakuna tukunqa? ¿Kamachiqkunaqa atinmankuchu ima ruwayllatapas hawkalla kawsakunapaq? ¿Imatam bibliapi nin?

 Enteron pachapi guerrakuna kasqanwanmi cuentata qukunchik manapas unaymanta guerrakuna manaña kananmanta, chayna kananmantam bibliapi willawanchik. Kay tiempopi kawsakusqanchiktam biblia sutichan ‘kay tiempopa tukupaynin’ nispa (Mateo 24:3).

•   Bibliapim nin: “Qamkunaqa uyarinkichikmi guerrakunamanta hinaspa guerrakuna kasqanmanta willakuyta [...]. Huk nacionmi peleanqa huklaw nacionwan chaynataq huk gobiernopas huklaw gobiernowan”, nispa (Mateo 24:6, 7).

 Kay tiempopi guerrakuna bibliapi willakusqanman hina kasqanta yachanaykipaqmi leeykuwaq “¿Cuál es la señal de ‘los últimos días’ o ‘los tiempos finales’?” niq yachachikuyta.

 Bibliapim willawanchik guerrakuna chinkachisqa kananmanta, ichaqa chayqa manam runakunamantachu kanqa, aswanqa Diosmi chinkachinqa Armagedon punchawpi. Chaytam bibliapi sutichan ‘tukuy atiyniyuq Diospa piñakuynin punchawpi guerra’, nispa (Apocalipsis 16:14, 16). Chay guerra pasaytam enteron allpa pachaman hawkayayta Dios apamuwasunchik promesanman hina (Salmos 37:10, 11, 29).

 Diospa guerramanta yachaykunaykipaq leeykuy “¿Imataq Armagedonqa?” niq yachachikuyta.