¡RIPARARUS ASHUNCHI!
Umai tiaj ungüiguna maltaunara ashcara huajlichin | Biblia caimanda ¿imara nin?
Lunes 13 de febrero 2023 huatai, Centros para el Control y la Prevención de Enfermedades (CDC) Estados Unidos llactamanda, shu comunicadora rimanuca maltauna umai tiaj ungüigunamanda Estados Unidos llactai. Rimanuca 40% yali colegioi yachaujcunamanda yapa llaqui, turbarishca sintirishcaunara charinushca.
“Cai puchucai chunga huataunai, maltauna umai tiaj ungüiguna ashcara ricushcanchi” doctora Kathleen Ethier rimaca, directora de la División de Salud Adolescente y Escolar (DASH) de los CDC nishca, “uma iyaibi tiaj ungüiguna, huañungaj iyaigunara maltaunai mas mirarishcara ricushcanchi” nica.
Chi comunicado nica:
Chunga colegioi ajcunamanda shu 14% tacarinara charinushca paiguna mana munashcai. “Cai yapa manzharihuaj ashca” Doctora Ethier rimaca. “Caran chunga ricsishca maltauna, shuj paigunamanda huajlichishca tucushca” nica.
Ñacas quinsa maltaunamanda caran shuj (30%) huañungaj munaira ashca charinushca.
Ñacas pichca huarmi maltaunamanda caran quinsa (57%) yapa llaqui, chapana illaj sintirinuca.
Cai comunicadoguna sirtu pacha yapa llaqui anun. Maltauna timpu yapa cushi ana anun. ¿Imara maltaunara yanapana ushan turbarishcara vinsingaj cuna timpui? ¿Imara Biblia nin?
Biblia maltaunara ali yanapaira cun
Biblia turbarishca timpui causashcara pasajta riman. “Turmindus punzhauna” nin (2 Timoteo 3:1-5). Shinajpi, Biblia ali camachishcaunara cusha intiru mundui huaranga maltaunara yanapaun cai turbarishcaunara vinsingaj shinzhi ajpis. Catij Bibliamanda apishca temagunara ricungui.
Maltaunaj yanapai huañuna iyaira charijcunaj
Maltaunaj yanapai vinsingaj, llaqui undajta sintirinara, llaquirinara, manali munaigunara charijcunaj
Borra la tristeza (dibujogunahua yachachina)
Maltaunaj yanapai ñahuipura, internetmanda turbachinujpis
Mana macasha difindinara ushangui (dibujogunahua yachachina)
Maltaunaj yanapai turbachinujpi, huajlichina munanujpis
¿Qué debes saber sobre las agresiones sexuales? Primera parte: Precausiones que deberías tomar
¿Qué debes saber sobre las agresiones sexuales? Segunda parte: Cómo puedes recuperarte
Biblia yayaunaj pactachinalla camachishcaunara cun
Biblia shinallara yayaunaj pactachinalla camachishcaunara cun, paiguna maltauna causaibi llaquiunara vinsinuchu. Catij Bibliamanda apishca temagunara ricungui.