Shu malta huanra Will shutiyuj nin: “Bibliara leana amichina ushan. Shinajpi Bibliara imasna leangaj mana yachashcamanda shina tucun”.

 ¿Yachana munanguichu imara rurana ushangui Bibliara cushiyasha leangaj? Cai tema canda yanapanga.

•  Biblia cuintashcaunara ali iyarisha leai

•  Ima tucushcara alira yachangui

•  Imara iyanun shuj maltauna

 Chita rurangaj cai iyaigunara rurai:

1.   Shu Biblia cuintashcara yachangaj ajllai. Yachana ushangui shu Biblia rimashca tucushcamanda, shu parti Evangelio librogunamanda, jw.org paginai tiaj Bibliamanda grabashcara uyanaunamandas.

2.   Cuintashcara leai. Can sapalla, shinallara shinzhira leana ushangui camba ailluhua camba amigogunahuas. Shu runa leana ushan rimauj cuinta, randi shujcuna leana ushanun shujcuna rimaushcara.

3.   Cai iyaigunara catina ushangui:

   •   Leashcamanda shu dibujura rurai, manasha ashca dibujugunara rurai cuintashcamanda ima tucushcaunara yachangaj. Caran tucushcaunamanda quillcai.

   •   Iyarishca yachashcaunara quillcai. Por ejemplo, Diosta chuyaj sirvij runamanda leaushcai ricui pai rurashcaunara ali shungu ricuchishcamanda ima bendicionguna chasquishcara.

   •   Shu runaunamanda leasha paigunahua cuintariushca cuinta leai. Caran cuintashcamanda runa, pai pasaushcara ricuj runaunas sintishcamanda yachangaj shu “tapusha cuintachina” cuinta leai.

   •   Shu pasashcara leaushcai shu runa mana ali decisionda apijpi, iyari imara tucuna ushaca ali decisionda apijpi. Iyari Pedro tucushcai, Jesusta mana ricsini nica (Marcos 14:66-72). Tapuri, chi shinzhi pasaushca huraspi ¿imara Pedro rurana aca?

   •   Munasha, Biblia cuintashcamanda can yachashcara quillcai. Shinallara cuintashcamanda yachashcaunara camba causaibi pactachingaj (Romanos 15:4).

 Shu Bibliamanda cuintashcai ima tucushcaunara estudiasha, valishca iyaigunara tupana ushangui. Huaquimbi shu, ishqui shimiuna intindisha valishca yachachishcara tupana ushangui.

 Ricui Mateo 28:7, Marcos 16:7.

•    ¿Imarasha Marcos quillcaca Jesús ñalla paita catijcunama, Pedroras ricurinara?

•  Intindingaj iyai: Chi pasaushcai Marcos mana chibi acachu, Pedro paita cuintacami.

•  Bibliamanda valishca iyai: ¿Imarasha Pedro ali sintirica Jesús paita cuti ricuna munashcara yachasha? (Marcos 14:66-72). ¿Imasnara Jesús Pedrora ricuchica ali amigo ashcara? ¿Imasnara Jesuspa ejemplora catina ushangui ali amigo tucungaj munasha?

 Biblia cuintashcaunai tucushcaunara ali iyarisha estudiasha, mas cushihua Bibliara leangui.