Jehová, Tata Yaya cusiscka can pimanta ancha ashca alli noticias amuncu, familias cusisckas canancuta munan (1 Timoteo 1:11). Pay huámaj matrimoniút casarachera. Casaracuyta legalmente conveniente can, familias seguras tiancu túcuy tiempúpaj cuscas huaasnincuta allít uyuanancúpaj suj rasón can familia cusiscka canánpaj. Cristianus leyes Jehovamanta y gobiernusmanta casaracúypaj casucunancu tían. Lucas 2:1, 4, 5 léey.

Tata Yaya nin matrimoniút suj ckari suj huarmian túcuy tiempúpaj canan tían. Pay munan ckosa y huarmin paycunapura fieles canancuta (Hebreos 13:4). Jehová divorciút chejnin (Malaquías 2:16). Pero sacken suj persuna divorciacunanta y cutis casaracuchun si huarmin o ckosan ayúnchay cometera. Mateo 19:3-6 cama, 9 léey.

Jehová huarmít y ckarít ʼruara, ishcaynin tucuypi yanapacunancúpaj (Génesis 2:18). Ckosa uma huarminmanta can, chayraycu pay micuyta familiánpaj mascanan tían y Jehovamanta yachachipucunan tían. Astaanpas, huarminta munasckanraycu sacrificiusta ʼruáypaj dispuestút tianan tían. Huarmi y ckosan munacunancu tían y respetacunancu tían. Ishcaynincu defetus apincu, cusisckas canancunápaj perdonacuyta yachanancu tían. Efesios 4:31, 32; 5:22-25 cama, 33, 1 Pedro 3:7 léey.

Si suj matrimoniu mana alli pusacun, ishcaynin afanacunancu tían munayuan tratacúypaj (1 Corintios 13:4, 5).  Tata Yáyap ʼRimaynin mana nin separacuyta suj remediu can allicháypaj casarasckaspa causaynincuta. 1 Corintios 7:10-13 cama léey.

Jehová munan huaas cusisckas canancuta. Chayraycu yachachipucun imaina mositus o sipitas cas cusisckas cayta atincu. Astaanpas munan aprovechanancuta, tatasníncup yachaynincumanta y esperienciancumanta (Colosenses 3:20). Nátaj, Jehová desian cusisckas canancuta ʼruas Pay y Huaan mañaasckaycu. Eclesiastés 11:9–12:1 cama; Mateo 19:13-15 cama y 21:15, 16 léey.

Tatas huaasnincuta huasi, mícuy y ropas ckopucúypaj, llamcanancu tían (1 Timoteo 5:8). Pero chá mana suficiente can. Yanapacunancu tían Tata Yayát ʼrejsiyta y munayta (Efesios 6:4). Cháypaj tatas alli ejemplu canancu tían Yayát munas, chay huaasta yanápaj ʼrin. Si Bibliaan yachachicuncu, yanapacuyta atin laya imaina pensancu. Deuteronomio 6:4-7 cama y Proverbios 22:6 léey.

Huaas precisancu ánimu chasquiyta y felicitasckas cayta alli imastis ʼruasckancuraycu. Y huaquin cutis reprendesckas y añasckas cayta precisancu, chayna mana alli imastisuan perjudicacuyta evítaj ʼrincu (Proverbios 22:15). Pero, reprendecúypaj ni aicappas sinchi o hereje canancu tían. Colosenses 3:21 léey.

Jehóvap testigusnin, yanapáypaj tatasta y huaasta, ashca librusta ʼruarancu. Ima consejus Bibliamanta apincu. Salmo 19:7, 11 léey.