Alli saludta charingapaj
Bibliaca mana saludmanta parlaj libro cashpapish ñucanchij saludta cuidangapajmi alli consejocunata cun. Huaquin consejocunata ricushun.
CAMBAJ CUERPOTA CUIDAI
BIBLIAMANTA CONSEJO: “Quiquin cuerpotaca, pi manataj pꞌiñanchu. Ashtahuanpish allimi micun, allimi cuidan” (Efesios 5:29).
¿IMATATAJ NISHA NIN? Cai consejoca ñucanchij saludta cuidangapaj esforzarichunmi animan. Shuj investigacionpi nishca shinaca, gentecunaca saludta mana alli cuidashcamantami ungushcacuna. Chaimantami ñucanchij cuerpota cuidangapaj esforzarina canchij.
¿IMATATAJ RURAI TUCUNGUI?
-
Sano micunacunata micui. Sano micunacunata micui, suficiente yacuta ubyai.
-
Ejerciciota rurai. Ima edadta charishpa, ima discapacidadta charishpa, ima ungüita charishpapish ejerciciota rurashpami cambaj saludtaca mejorai tucungui. Shuj familia o shuj doctormi ima ejerciciota rurachunca shuj consejota cui tucun. Pero chai consejota pajtachinaca canpimi tiyan.
-
Alli samari. Achca gentecunami minishtirishca horasta dorminapaj randica shujtaj cosascunapi chai tiempota ocupancuna. Pero, alli saludta charingapajca allimi dormina cangui. Cutin, mana alli dormishpaca ungüi tucunguimi.
CUERPOTA DAÑAJ COSASCUNATA SAQUI
BIBLIAMANTA CONSEJO: “Ñucanchij aichatapish, espiritutapish tucui mapayachijtaca anchuchishunchij” (2 Corintios 7:1, QC, 1989).
¿IMATATAJ NISHA NIN? Cambaj saludta alli cuidangapajca mapayachij cosascunamantami anchurina cangui. Por ejemplo, mana fumanachu cangui. Chai vicioca ungüiman, huañuimanmi apai tucun.
¿IMATATAJ RURAI TUCUNGUI? Fumanata saquingapajca shuj fechata anotai. Maijan amigoman o familiaman canta ayudachun huillai. Chai fecha manaraj chayajpi tabacocunata, fosforeracunata, chai laya tucui cosascunata anchuchi. Gentecuna fumanata yachan lugarcunamanpish mana rinachu cangui.
BIBLIAMANTA SHUJTAJ CONSEJOCUNA
Cambaj propio shimipi shuj Bibliata charisha nishpaca can causan ladopi shuj testigo de Jehovata mañai.
ALLI YUYAIYUJ CAI
“Terrasayuj huasita rurashpaca chai muyundijta pircanguichij. Chashna rurashpami maijan chai jahuamanta urmashpa huañujpica, cancunapaj huasi ucupuracunataca mana juchachishca canguichij” (DEUTERONOMIO 22:8).
AMA UTCA PꞌIÑARICHU
“Utca pꞌiñarij runaca, rumi shungu canatami jatunyachin. Ashtahuanpish mana utca pꞌiñarijca, yuyaita japishca, alli runamari” (PROVERBIOS 14:29).
AMA YALLITAJ MICUICHU
‘Yallitaj micujcunahuanpish pajta tandanacunguiman’ (PROVERBIOS 23:20).
Puede que también le interese
RIJCHARI
Cushi causaita mashcai: Cambaj saludta cuidashpa cushilla causai
¿Ungushca cashpapish cushilla causangapajca imatataj rurana canchij?
