¿SHUJTAJCUNATA AMA PꞋIÑANGAPAJCA IMATATAJ RURANA CANCHIJ?
1 | Ñahuita ricushpalla ama juzgai
Bibliapica cashnami nin:
“Pi cashpapish Taita Diospaj ñaupajpica tucuicuna chai shinallataj cashcatami cunantajca yachani. Maijan llajtapi causaj cashpapish Taita Diosta manchashpa allita rurajtami Taita Diosca alli nin” (HECHOS 10:34, 35).
¿Imatataj nisha nin?
Ñucanchij maimanta cajpipish, ima razamanta cajpipish Jehová * Diosca ñahuita ricushpallaca mana juzganchu. Ashtahuanpish paica ñucanchijcuna imata yuyashcata, imata sintishcatami ricun. Bibliapica: “Runaca paipaj ñahuipi ricurishcallatami ricun. Ashtahuanpish Mandaj Diosca shungutamari ricun” ninmi (1 Samuel 16:7).
Caita rurai:
Shujtajcunapaj shunguta mana ricui tucushpapish Jehová Dios shinami mana ñahuita ricushpalla tucuicunata igual tratana canchij. Pita rijsishpapish paipaj razamanta o paipaj grupomanta ama juzgashunchij. Ashtahuanpish cada uno ima shina cashcata rijsingapaj esforzarishunchij. Shujtaj razamanta o shujtaj llajtamanta cajcunata mana allita ricunata yachashpaca Yaya Diostami chashna ama yuyangapaj fuerzata cuchun mañana canchij (Salmo 139:23, 24). Yaya Diosca cantaca ayudangatajmi (1 Pedro 3:12).
^ párr. 6 Diospaj shutica Jehovami can (Salmo 83:18, NWT).
‘Blanco runahuanca mana nunca tandanacushcachu carcani. Cunanca mundo enteromanta huauqui panicunahuanca shuj familia shinami canchij’ (TITUS)
Puede que también le interese
RIJCHARI
¿Shujtajcunataca mana allitachu juzgangui?
¿Shujtajcunata mana allita juzgacushcataca ima shinataj yachai tucunchij?
