Achca iglesiacunapica Diosca shuj trinidadmi can nishpami yachachin. Shuj libropica trinidadmantaca cashnami nirca: “Mushuj Testamentopica Yayapish, Churipish, espíritu santopish shujlla Diosmi can nishpaca mana yachachinchu, trinidad shimipish mana ricurinchu. Pero cai trinidad yuyaimantaca achca huatacuna huashamantami yachachishcacuna. Shinami trinidadmantaca achca tapuicuna, yuyaicuna tiyan” (The Encyclopædia Britannica).

 Bibliapica Yayitu Diosca shuj trinidadmi can nishpaca ni maipi mana yachachinchu. Ashtahuanpish Bibliapica caitami yachachin:

 Deuteronomio 6:4-pica: “Mandaj Dios ñucanchij Taita Diosca shujlla Diosmari” ninmi.

 Salmo 83:18, Traducción del Nuevo Mundo Bibliapica: ‘Cambaj shuti Jehová cashcata gentecuna yachachun. Canllami ashtahuan Jatun Dios cangui’ ninmi.

 Juan 17:3-pica: “Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami” ninmi.

 Gálatas 3:20-pica: “Diosca shujllami” ninmi.

 ¿Pero imamantashi achca iglesiacunapica Yayapish, Churipish, espíritu santopish shujlla Diosmi can nishpa yachachin?