Jehoväpa testïgunkuna y invitayanqä nunakunaqa, Jesus mandakunqanta cäsukurmi, Jesus wanunqanta yarpäyänäpaq cada wata entëru Patsachö juntakäyä (Lücas 22:19). Tsëchö yachakuyanqämi yanapayäman noqantsikrëkur Jesus wanunqanta mas valorayänäpaq. Noqantsikrëkur Jesus wanunqan kanan y shamoq tiempuchö imanö yanapamanqantsiktapis yachakuyämi (Juan 3:16).

 Kë wata Jesus wanunqanta yarpäyanqäman shamur o mana shamurpis, ¿imatataq ruranëki noqantsikrëkur Jesus wanunqan yanapashunëkipaq? Jesusqa këkunata ruranapaqmi nirqan:

1.  1. Diospita y Jesuspitam yachakunëki. Ciëluchö këkaq Teytanman mañakurmi Jesusqa kënö nirqan: “Qamllam rasumpa kaq Dios kanki, imëyaqpis kawëta tarita munaqkunaqa qamtam reqiyäshunëki, y mandamunqëki Jesucristutam reqiyänan” (Juan 17:3).

2.  2. Yachakunqëkinömi kawanëki. Jesusqa clärum nirqan yachatsimanqantsiknölla vïdantsikchö ruranapaq kaqta. Maslla musyarinapaq, Jirkachö Yachatsikunqanta ushëkarmi, ‘parlanqanta wiyar ninqannölla ruraq’ nunakunata felicitarqan (Lücas 6:46-48). Tsënöllam juk kutichöpis kënö nirqan: “Kananqa tsëkunata musyayankinam, y rurarqa kushishqam kayanki” (Juan 13:17).

 ¿Munankimanku Diospita y Jesuspita mas yachakuyta? ¿Musyëta munankimanku yachakunqëkinölla kawanëkipaq ima yanapashunëkipaq kaqta? Tsëqa këkunam yanapashunki:

 Jehoväpa testïgunkunawan Bibliapita grätislla yachakuyanqanmi, atskaq nunakunata yanapashqa Bibliapita yachakuyänampaq y Bibliachö yachakuyanqannö kawayänampaq.

•   Tsëpita maslla musyanëkipaqqa, Jehoväpa testïgunkunawan Bibliapita yachakunëkipaq neqchö willakunqanta rikäri.

•   Jehoväpa testïgunkuna Bibliapita imanö yachatsikuyanqäpita maslla musyanëkipaqqa, Kushikuyämi Bibliapita yachakuyta munanqëkita neq videuta rikäri.

 Jehoväpa testïgunkunaqa Salon del Reinu niyanqä wayichömi semänachö ishkë kuti juntakäyä. Tsë reunionkunachömi Bibliapita y Bibliachö ninqannölla kawayänäpaq yachakuyä.

 Tsë reunionkunamanqa pïmëmi ëwëta puëdiyan, y manam Testïguraqtsu kayänan. Mëchö kawanqëkipitam tsë reunionkunataqa juntakäyanqä wayiman ëwar o Internetpapis wiyëta puëdinki.

•   Reunionnïkuna imanö kanqanta maslla musyanëkipaqqa, ¿Imanötaq reunionnïkuna? neq videuta rikäri.

•   Mëqan juntakäyanqä wayi kawanqëki sitiupita mas amänuchö kanqanta musyanëkipaqqa, Jehoväpa testïgunkunapa reunionninkuna neqman yëkuri.

 Kë päginaman churayämunqäpita y videukunapita yachakunqëkim, Jesus yachatsikunqampita y noqantsikrëkur wanunqan imanö yanapamanqantsikpita masta musyanëkipaq yanapashunki.

 Juk nuna wanunqanlla mëtsikaq nunakunata imanö yanapanqanta musyanëkipaqqa, “¿Imanötan Jesusqa salvamantsik?” y “¿Imanirtaq Jesusqa sufrirqan y wanurqan?” neqchö willakunqanta leyiri o ¿Imanirtaq Jesusqa wanurqan? neq videuta rikäri.