Entëru Patsachömi nunakunaqa japallankuna y amïgunnaq sientikuyan. Estudiösu nunakunam niyan jukkunata yanaparqa mana japallantsik sientikunapaq kaqta.

•   “Yanapëpaq këkaqkunata yanapanqantsikqa, alli sientikunapaq, japallantsik mana sientikunapaq y wakinkunapita mana karupäkurinapaqmi yanapamantsik” (Institutos Nacionales de la Salud, de Estados Unidos).

 Bibliachömi willakun imakunata rurarnin jukkunata yanapanapaq kaqta. Tsëkunata ruranqantsikmi yanapamäshun japallantsik mana sientikunapaq.

 Qarakoq kë. Kapushunqëkiwan o pëkunawan tiemputa pasar jukkunata yanapë. Jukkunawan tiemputa pasanëkipaq kallpachakuy. Jukkunapaq imallatapis ruraptikiqa alläpam agradecikuyanqa, y yanapanqëki kaqkunawanmi amïgu kanki.

•   Bibliachö kënö ninqanman pensë: “Qarakoq kayë, qamkunatapis qarayäshunëkipaq” (Lücas 6:38).

 Jukkunata yanapë. Mana allikunapa pasëkaqkunata yanapanëkipaq kallpachakuy. Pëkunata shumaq wiyë y entiendita procurë o puëdinqëkimannö imallachöpis yanapë.

•   Bibliachö kënö ninqanman pensë: “Rasumpa amïgu karqa, imëpis kuyakoqllam këkanqa” (Proverbius 17:17).

 Alli amïguyoq kanëkipaq imata ruranëkipaq kaqta musyanëkipaqqa, rikäri “La familia y los amigos” neqchö willakunqanta.