Bibliapita tapukïkuna
¿Imanöraq casädukuna kushishqa kawakïta tariyanman?
Casädukuna kushishqa kawakuyänampaq Bibliapa consëjunkunaqa, casakïta patsätseq Jehoväpitam shamun, tsëmi imëpis allilla yarqun. Casädu kawakï mas sinchi kanampaq imata ruranapaq kaqta y imakuna ushakätsinqantam musyatsimantsik, jinamampis, majakuna imanö shumaq parlapänakuyänampaq kaqtam yachatsimantsik. (Leyi Colosensis 3:8-10, 12-14.)
Casädukunaqa ishkankunam respetanakuyanman. Casädu kawakïninkunachö Dios ninqannölla ishkankuna imatapis rurarninqa, kushishqam kawakuyanqa. (Leyi Colosensis 3:18, 19.)
¿Imataq yanapakun casädu kawakï mana ushakänampaq?
Majakuna kuyanakuyaptinqa manam casädu kawakï ushakanqatsu. Dioswan tsurin Jesucristum, rurëninkunawan yachatsimantsik rasumpa kuyakï imanö kanqanta. (Leyi 1 Juan 4:7, 8, 19.)
Majakuna casädu kawakïta Diospa qarënintanö rikarqa, imëpis juntum këkäyanqa. Diosqa munan familiakuna imëpis juntu y patsakashqa këkäyänantam. Pëqa warmitawan ollquta kamashqa ishkankuna sentimientunkunachö y llapan wanayanqankunachö yanapanakuyänampaqmi. Jinamampis, Diosqa kamarqan kikin rikoqtam, tsë ninanqa Diosnö kuyakoq këta puëdiyanqanta. (Leyi Genesis 1:27 y 2:18, 24.)