Familiachö kushishqa kawakunapaq
¿Imaraq yanapamäshun?
-
¿Kuyanakuytsuraq?
-
¿Qellëtsuraq?
-
¿Juk cösaskunatsuraq?
BIBLIACHÖ YACHATSIKUNQAN
“¡Diospa palabranta wiyaqkuna y cäsukoqkunam kushishqaqa kayan!” (Lücas 11:28).
¿IMANÖTAN TSËTA MUSYANQANTSIK YANAPAMANTSIK?
Rasumpa kuyanakunapaq (Efesius 5:28, 29).
Rasumpa respetanakunapaq (Efesius 5:33).
Familiachö juknölla kawakunapaq (Marcus 10:6-9).
¿IMANIRTAN BIBLIA NINQANMAN CREISHWAN?
Këkunarëkurmi:
-
Diosmi familia kamaqqa. ‘Familiakunata’ Jehovä Dios kamaq kanqantam Bibliaqa nin (Efesius 3:14, 15). Tsëmi cläru rikantsik familiakunataqa Jehovä kamashqa kanqanta. ¿Imanirtan tsëta musyëqa alli?
Këman pensë: Alläpa mishki mikuyta mikuykankiman, y gustashuptikina pensankiman imanö y imakunawan rurayanqanta, tsëqa ¿pitaraq tapurinkiman? Cocinaqtachi tapurinkiman.
Tsënöllam familiachö kushishqa imanö kawakunapaq kaqta musyëta munarqa, familiata kamaq Jehovä Diosta tapukunantsik (Genesis 2:18-24).
-
Diosqa noqantsikpaq yarpachakunmi. Familiëkiwan Bibliachö consëjukunata ashiyë. Jehoväqa, “qamkunapaqmi alläpa yarpachakun” (1 Pëdru 5:6, 7). Jehoväqa llapantsik alli kawakunatam munan y consëjunkunaqa imëpis yanapakunmi (Proverbius 3:5, 6; Isaïas 48:17, 18).
KËNÖ PENSË
¿Imanöraq alli maja, alli papä o alli mamä käman?
Respuestantaqa tarinki kë textukunachömi EFESIUS 5:1, 2 y COLOSENSIS 3:18-21.
Capaz këkunapis gustashunki
¡MUSYATSIKOQ!
Kushishqa familia: Ishkëkikuna yanapanakuyë
¿Casädunöku kawayanki o juk wayichö juntu täraqnöllaku?
REQIYÄMË
¿Imanirtaq Bibliapita yachakunkiman?
Bibliapita yachakuyanqampitam entëru patsachö nunakuna kushikuyan. Pëkunanö kushishqa kanëkipaq kë librupita yachakï.
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
