Ri Jupuq Ajkʼamal bʼe cho ronojel uwach Ulew are jun alaj jupuq cristianos che nim ri kikojonik y che kkikʼam ubʼe ri kichak ri testigos rech Jehová cho ronojel ri uwach Ulew. Kebʼ uwach chak kkibʼano:

•   Kkil ri kbʼan che ubʼanik ri información che e kʼo pa taq ri qawuj che kil pa ri e qariqbʼal ibʼ y pa ri escuelas kech ri testigos rech Jehová (Lucas 12:42).

•   Kkikʼam ubʼe ri chak che kkibʼan ri testigos rech Jehová cho ronojel ri uwach Ulew. Wariʼ kraj kubʼij che kkil ri kbʼan che utzijoxik ri utzij ri Dios y ri kbʼan che ukojik ri kuchuj.

 Ri Jupuq Ajkʼamal bʼe cho ronojel uwach Ulew are tajin kkesaj uwach ri xkibʼan ri apóstoles y ri e kʼamal taq bʼe pa Jerusalén re ri nabʼe siglo. Ri e areʼ xkichaʼ ubʼanik e jujun jastaq che nim ubʼanik che xtobʼan che ri congregación cristiana (Hechos 15:2). Ri e kʼo pa ri Jupuq Ajkʼamal bʼe cho ronojel uwach Ulew are ta ri ketaqan puwiʼ ri utinamit ri Dios, junam rukʼ ojer che xuqujeʼ xetaqan ta puwiʼ ri congregación. Ri e areʼ amaqʼel kkitzukuj ri utobʼanik ri Jehová pa ri Biblia y ketaʼm che are chaʼowinaq ri Jesucristo rech kukʼam ubʼe ri congregación (1 Corintios 11:3; Efesios 5:23).

 Ri e kʼo chupam ri Jupuq Ajkʼamal bʼe cho ronojel uwach Ulew are Kenneth Cook, kʼajolaxel, Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane y Jeffrey Winder. Konojel are kepatanin pa ri sede mundial che kʼo pa Warwick (Nueva York).

 Pa ri Jupuq Ajkʼamal bʼe cho ronojel uwach Ulew kʼo seis comités che kkil jalajoj taq chak. Chkijujunal ketobʼan rukʼ jun o más chke ri e comités riʼ.

•   Comité de Coordinadores: Are kril ri kʼo ubʼanik rukʼ ri qʼatbʼal tzij y kril ri rajawaxik kbʼanik are chiʼ ri testigos rech Jehová kkiriq jun kʼax, xuqujeʼ are chiʼ kqʼatex uwach ri kichak.

•   Comité de Personal: Are kril ronojel ri kʼo ubʼanik rukʼ ri familia Betel, kraj kubʼij, che kril ronojel ri kajwataj chke ri kechakun pa taq ri sucursales kech ri testigos rech Jehová.

•   Comité de Publicación: Are kril ri kbʼan che kibʼanik imprimir ri e wuj y ri kbʼan bʼi che kitaqik, xuqujeʼ krilo are chiʼ kyak e Ja rech Ajawbʼal, oficinas rech traducción y sucursales.

•   Comité de Servicio: Are kril ri kbʼan che utzijoxik ri «utzalaj taq tzij riʼ re ri rajawbʼal ri Dios» (Mateo 24:14).

•   Comité de Enseñanza: Are kril ri tijonik che kyaʼ pa taq ri e riqbʼal ibʼ, pa taq ri escuelas y pa taq audios y videos.

•   Comité de Redacción: Are kril ri kʼo chupam ri e wuj che esam pa ri Biblia, kril ri sitio de Internet y kril ri chak re traducción.

 Konojel ri e kʼo pa ri Jupuq Ajkʼamal bʼe cho ronojel uwach Ulew xuqujeʼ kkibʼan chi nikʼaj chak, kkimulij kibʼ ronojel taq semanas rech kkil ri kajwataj che ri utinamit ri Dios. Pa taq ri e riqbʼal ibʼ ri’, kkinikʼoj ri kubʼij ri Biblia y kkiyaʼo che kkʼam kibʼe rumal ri ruxlabʼal ri Dios. Kkikoj kichuqʼabʼ rech ronojel ri kkichaʼ ubʼanik xa junam (Hechos 15:25).

 Chkijujunal ri comité re ri Jupuq Ajk’amal bʼe cho ronojel uwach ulew e kʼo sukʼalaj taq cristianos chkixoʼl che kekunik y qas ketaʼm kkibʼan ri chak che yaʼom chke (1 Corintios 4:2). Ri areʼ xuqujeʼ kekʼojiʼ pa taq ri riqbʼal ibʼ che kbʼan ronojel taq semanas kukʼ ri comités. Paneʼ ri e areʼ are ta kechaʼow ri kbʼanik, are kʼu kkibʼij ri kkichomaj che kʼo ubʼanik rukʼ ri chak che kkibʼano, kkibʼan ri kuchaʼ ubʼanik ri comité tekʼuriʼ kkilo we utz kelik y kkitaqej ubʼanik. Xuqujeʼ ri Jupuq Ajkʼamal bʼe cho ronojel uwach Ulew kkibʼij chke che kkisolij nikʼaj chi Testigos cho ronojel uwach Ulew o che ketobʼan pa taq riqbʼal ibʼ che nim ubʼanik junam rukʼ ri reuniones anuales o ri Tijobʼal rech Galaad.