Ri Jesús kuchʼobʼ ri kunaʼ jun winaq are chiʼ kbʼan kʼax che kumal ri itzel taq winaq. Rumal che areʼ xbʼix molom tzij chrij, xchʼayik, xqʼat tzij puwiʼ y xkamisaxik. Paneʼ kʼo ta umak, xraj xuya ri ukʼaslemal pa kiwiʼ e nikʼaj chik y «che kitorik kʼiʼalaj winaq» (Mateo 20:28; Juan 15:13). Kamik Ajqʼatal tzij chik rech ri Uqʼatbʼal tzij ri Dios. Xa jubʼiqʼ chi kraj kusachisaj uwach ri kʼaxkʼolil junam rukʼ ri elaqʼ y ri kamisanik, y kuya na utzilal chke e juntir ri winaq cho ri uwach Ulew (Isaías 42:3).

 Ri Biblia kuya ubʼixik jas ubʼanik ri uwach Ulew are chiʼ ri Jesús kusachisaj uwach ri kʼaxkʼolil:

•    «Man keriqtaj ta chi bʼanal taq etzelal; paneʼ sibʼalaj keʼatzukuj, man keʼariq ta chik. E areʼ taq kʼut ri e machʼalik kkechbʼej na ri uwach ulew kejeqiʼ na pa tzʼaqatalaj jamaril» (Salmo 37:10, 11).

 ¿Jas (Su) kqabʼano rech kqamaltyoxij che ri Jesús ri xubʼan pa qawiʼ y ri kubʼan na che qatoʼik? Pa Lucas 22:19 ri Jesús xubʼij chke ri udiscípulos che kkinaʼtajsaj ri ukamikal. Rumal laʼ, ronojel taq junabʼ ri testigos rech Jehová kkimulij kibʼ rech kkinaʼtajsaj ri ukamikal ri Jesús. Kqaj katpe qukʼ che Unaʼtasaxik ri ukamikal ri Jesús. Kbʼan na pa domingo 24 re marzo 2024.

Ri kbʼan wi ri Unaʼtabʼalil