POUSEHLAHTE MWASAMWASAHN!
2023: Pahr en Pwunod—Dahme Paipel Mahsanih?
Erein pahr 2023, soahng tohto wiawi nin sampah pwon me kin kasalehda ni sansal me kitail kin momour ni ahnsou me Paipel mahsanih “imwin rahn akan.” (2 Timoty 3:1) Tehk duwen soahng kan me wiawi limwahtail eh duwehte dahme Paipel kohpada duwen atail ahnsou.
Paipel oh soahng kan me wiawi nin sampah pwon
“Mahwen oh rongen mahwen.”—Madiu 24:6.
“Pepei kin lalaudla nan wasa tohto nin sampah.” a
Kilang oaralap kan “Ihs me Pahn Doarehla Aramas akan me Kaidehn Sounpei?” oh “Koperment kan Doadoahngki Mwohni Laudsang Trillion 2 ong Neirail Sounpei.”
“Ehuehu wasa rerrer en sahpw.”—Mark 13:8.
“Sang nin tepin 2023 leledo met, rerrer en sahpw me kehlail sang magnitude 7 wiawiher pak 13 nin sampah pwon, ih met me keieu tohto nan sounpar ehu sangete ahnsou me tepida kileldi.” b
Kilang oaralap “Rerrer en Sahpw Laud Wiawi nan Turkey oh Syria.”
“Soahng kamasepwehk kan.”—Luk 21:11.
“Ahnsoun karakar nin sampah pwon imwisekla; ahnsoun pwopwoail nin sampah pwon samwadohr.”—António Guterres, UN secretary-general. c
Kilang oaralap “Ahng Karakar en Summer 2023 nan Sampah Pwon.”
“Lehk lapalap.”—Madiu 24:7.
“2023: Pil wia pahr en kapwunod laud ong irail kan me kin apwalki kamwenge arail peneinei kan.” d
“Ahnsou apwal oh keper.”—2 Timoty 3:1.
“Emen sang rehn aramas welimen nan sampah pwon kin ahneki kahpwal en roson en madamadau.” e
Kilang oaralap “Lalaudlahn Kahpwal en Roson en Madamadau en me Pwulopwul kan (Teenage).”
Dahme kitail kak kasik nan pahr 2024?
Sohte me ese dahme pahn wiawi nan pahr 2024. Ahpw dahme wiawi nin sampah kin kasalehda me Wehin Koht de koperment en nanleng pahn kereniongehr wiliandi koperment en aramas akan oh katokehdi soahng koaros me kin kahrehda aramas en lokolok oh pwunod.—Daniel 2:44; Kaudiahl 21:4.
Erein atail kin awih met, ma kitail pwunodada, kitail kak likih Koht oh peki sawas. Paipel kin mahsanih:
“Ni ei kin masepwehkada, I kin patohwan likih komwi.”—Melkahka 56:3.
Ia duwen atail kak kasalehda me kitail likih Koht? Se kin lukeiuk en kalaudehla omw esehla inou kan nan Paipel duwen ahnsou kohkohdo me sohla lokolok. Song at koasoandi en koasoiapene duwen Paipel pwe ken kilang ia duwen kowe oh omw peneinei ar kak paiekihda inou kan nan Paipel.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
You May Also Like
ESSENTIAL BIBLE TEACHINGS
Dahkot Wehin Koht?
Nan sapwellimen Sises doadoahk en kalohk, e ketin padahngki duwen Wehin Koht laudsang oaralap teikan koaros. Erein sounpar tohto, sapwellime tohnpadahk kan kin kapakapki Wehi wet en ketido.
