خو‌ش نیں او‌ہ جیہڑے خدا دا کلام سُن دے تے او‌ہدے تے عمل کر دے نیں۔—‏لُو‌قا 11:‏28‏۔‏

تو‌اڈے گھرانے چ پیار ہو‌و‌ے گا۔—‏اِفسیو‌ں 5:‏28، 29‏۔‏

تو‌اڈے گھرانے چ اِک دُو‌جے لئی احترام ہو‌و‌ے گا۔—‏اِفسیو‌ں 5:‏33‏۔‏

تو‌اڈے گھرانے چ امن سکو‌ن ہو‌و‌ے گا۔—‏مرقس 10:‏6-‏9‏۔‏

ذرا دو گلاں تے غو‌ر کرو:‏

• خدا نے خاندان دی شرو‌عات کیتی اے۔‏ پاک کلام چ دَسیا گیا اے کہ یہو‌و‌اہ خدا نے آدم تے حو‌ا نُو‌ں شادی دے بندھن چ بنھیا سی۔ (‏پیدایش 2:‏18-‏24‏)‏ ایہدے تو‌ں پتہ چلدا اے کہ خاندان دا اِنتظام یہو‌و‌اہ خدا نے شرو‌ع کیتا اے۔ ایس گل نُو‌ں سمجھنا ضرو‌ری کیو‌ں اے؟‏

  فرض کرو کہ تُسی بو‌ہت مزیدار بریانی کھا رہے او۔ جے تُسی ایہنو‌ں پکان دا طریقہ جاننا چاہندے او تے تُسی کنہو‌ں پچھو گے؟ ظاہری گل اے کہ تُسی او‌ہنو‌ں پچھو گے جنہے بریانی بنائی اے۔‏

  ایسے طرحاں جے اَسی اپنے گھرانے چ خو‌شیاں لیان دا طریقہ جاننا چاہنے آں تے اَسی او‌ہنو‌ں پچھاں گے جنہے خاندان دی شرو‌عات کیتی اے یعنی اَسی یہو‌و‌اہ خدا نُو‌ں پچھاں گے۔‏

• خدا نُو‌ں تو‌اڈی فکر اے۔‏ یہو‌و‌اہ خدا اپنے کلام دے ذریعے پیار بھری صلاح دیندا اے۔ خدا دی صلاح تے چلنا ہر گھرانے لئی فائدے مند کیو‌ں اے؟ کیو‌نکہ خدا نُو‌ں تو‌اڈی فکر اے۔ (‏1-‏پطرس 5:‏6، 7‏)‏ یہو‌و‌اہ خدا تو‌اڈا بھلا چاہندا اے تے او‌ہدی صلاح ہمیشاں فائدےمند ہو‌ندی اے۔—‏امثال 3:‏5، 6؛‏ یسعیاہ 48:‏17، 18‏۔‏