ہر سال پوری دُنیا چ یہوواہ دے گواہ یسوع دے حکم مطابق اوہدی موت دی یاد منان لئی جمع ہوندے نیں۔ ایہدے علاوہ اوہ لکھاں لوک وی ایس عبادت تے حاضر ہوندے نیں جنہاں نُوں یہوواہ دے گواہ ایہدے تے آن دی دعوت دیندے نیں۔ (‏لُوقا 22:‏19‏)‏ ایس خاص موقعے تے سانوں یاد دَوایا جاندا اے کہ یسوع دی قربانی ساڈے لئی کِنّی اہم اے۔ نالے ایہہ وی دَسیا جاندا اے کہ اوہدی قربانی توں سانوں ہُن تے مستقبل چ کیہڑے فائدے ہون گے۔—‏یوحنا 3:‏16‏۔‏

 بھانویں تُسی ایس سال مسیح دی موت دی یاد منان لئی حاضر ہوئے سو یاں نئیں،تُسی اوہدی قربانی توں فائدہ کیویں حاصل کر سکدے او؟ یسوع نے دو اہم کماں بارے دَسیا سی جیہڑے سانوں کرنے چاہی دے نیں:‏

1.  1.‏ خدا تے یسوع بارے سکھو۔‏ اپنے اسمانی باپ کولوں دُعا کردے ویلے یسوع نے کہیا:‏ ہمیشاں دی زندگی پان لئی ضروری اے کہ اوہ تینوں چنگی طرحاں جانن کیونکہ تُوں ای سچا خدا ایں تے یسوع مسیح نُوں وی جانن جنہوں توں گھلیا اے۔—‏یوحنا 17:‏3‏۔‏

2.  2.‏ سکھیاں ہوئیاں گلاں تے عمل کرو۔‏ یسوع نے ایس گل تے زور دِتا کہ سانوں سکھیاں ہوئیاں گلاں تے عمل کرنا چاہی دا اے۔ مثال لئی، پہاڑی وعظ دے آخر چ یسوع نے اوہناں لوکاں دی تعریف کیتی جیہڑے اوہدیاں گلاں سُن دے تے اوہناں تے عمل کردے نیں۔ (‏لُوقا 6:‏46-‏48‏)‏ اِک ہور موقعے تے وی اوہنے کہیا:‏ جے تُسی ایہناں تے عمل کرو گے تے تُسی خوش رہوو گے۔—‏یوحنا 13:‏17‏۔

 کیہہ تُسی خدا تے یسوع بارے ہور سکھنا چاہندے او؟ کیہہ سکھیاں ہوئیاں گلاں تے عمل کرن لئی توانوں مدد دی لوڑ اے؟ تھلے کجھ طریقیاں بارے دَسیا گیا اے جنہاں توں توانوں مدد مِل سکدی اے۔

 بوہت سارے لوک ساڈے نال مُفت بائبل کورس کر کے پاک کلام دِیاں گلاں نُوں چنگی طرحاں سمجھ گئے نیں تے اوہناں مطابق اپنی زندگی گزار کے فائدہ حاصل کر رہے نیں۔

•   ایس بارے جانن لئی ویب‌سائٹ تے صفحہ ”‏اک اُستاد دی مدد نال بائبل کورس‏“‏ نُوں ویکھو۔‏

•   ایہہ جانن لئی کہ یہوواہ دے گواہ بائبل کورس کیویں کراندے نیں، ویڈیو ‏”‏آؤ اِک دلچسپ بائبل کورس شروع کریئے“‏ نُوں ویکھو۔‏

 یہوواہ دے گواہ ہر ہفتے دو واری عبادت لئی کٹھے ہوندے نیں۔ ایہناں عبادتاں تے اَسی پاک کلام دِیاں سچائیاں تے غور کرنے آں تے سکھنے آں کہ اَسی ایہناں دے مطابق کیویں چل سکنے آں۔‏

 ساڈیاں عبادتاں تے ہر کوئی آ سکدا اے۔ مقامی حالاتاں دے مطابق تُسی عبادت‌گاہ چ آ کے یاں فیر آن‌لائن وی عبادتاں چ شامل ہو سکدے او۔‏

•   ایہہ جانن لئی کہ ساڈیاں عبادتاں کیویں ہوندیاں نیں، ویڈیو ‏”‏ساڈیاں عبادت‌گاہواں وچ کیہہ ہوندا اے؟“‏ نُوں ویکھو۔‏

•   اپنے علاقے چ عبادت‌گاہ دا پتہ لبھن لئی ساڈی ویب‌سائٹ تے صفحہ ‏”‏یہوواہ دے گواہواں دِیاں عبادتاں‏“‏ نُوں ویکھو۔‏

 ساڈی ویب‌سائٹ تے بوہت سارے مضمون تے ویڈیوز نیں جنہاں دی مدد نال تُسی یسوع مسیح دی تلیم بارے بوہت کجھ سکھ سکدے او تے اپنے دل چ اوہدی قربانی لئی قدر ودھا سکدے او۔‏

 مثال لئی، ایہہ جانن لئی کہ کیویں اِک بندے دی موت توں لکھاں لوکاں نُوں فائدہ ہو سکدا اے، مضمون ‏”‏یسوع مسیح سانوں نجات کیویں دَواندا اے؟‏‏“‏ نُوں پڑھو یاں فیر ویڈیو ‏”‏یسوع مسیح نے اپنی جان کیوں قربان کیتی؟‏‏“‏ نُوں ویکھو۔‏