‏”‏کورونا دی وبا ہُن اینی خطرناک نئیں رہی، پر ایہہ آخری وبا نئیں سی۔ بے‌شک ہور وباواں وی پھیلن گیاں۔ ایس لئی ضروری اے کہ اَسی اگلی وبا لئی تیار رہیے۔“‏—‏ڈاکٹر ٹیڈروس ایڈہنم گھیبریسس، صحت دے عالمی اِدارے دا ڈائیریکٹر جنرل، 22 مئی 2023۔‏

 کورونا دی وبا دی وجہ توں حالے وی بوہت سارے لوک صحت تے ذہنی مسئلیاں دا سامنا کر رہے نیں۔ حکومتاں تے صحت دے اِدارے لوکاں دِیاں بیماریاں دا علاج کرن دی کوشش کردے نیں۔ پر کیہہ ایہدے نال نال اوہ اگلی آن والی کسے وبا دا مقابلہ وی کر سکن گے؟‏

 بائبل چ اِک ایہو جہی حکومت بارے دَسیا گیا اے جیہڑی انساناں نُوں ساریاں بیماریاں توں شفا دَوائے گی۔ دانی‌ایل 2:‏44 چ لکھیا اے کہ اسمان دا خدا اِک بادشاہی یعنی اِک حکومت قائم کرے گا۔ اوس حکومت دا کوئی وی شہری ایہہ نئیں کہوے گا کہ مَیں بیمار آں۔ (‏یسعیاہ 33:‏24‏)‏ اوہدوں ہر کوئی جوان تے صحت‌مند ہوئے گا۔—‏ ایوب 33:‏25‏۔‏