نئیں۔ پاک کلام چ صاف صاف دَسیا گیا اے کہ خدا نے انساناں نُوں، فرق فرق قسماں دے جانوراں نُوں تے پودیاں نُوں بنایا۔‏ a (‏پیدایش 1:‏12،‏ 21،‏ 25 ،‏ 27؛‏ مکاشفہ 4:‏11‏)‏ ایہدے چ دَسیا گیا اے کہ سارے انسان پہلے انسانی جوڑے آدم تے حوا دی اولاد نیں۔ (‏پیدایش 3:‏20؛‏ 4:‏1‏)‏ بائبل چ ایس نظریے دی حمایت نئیں کیتی گئی کہ خدا نے فرق فرق قسماں دے جانداراں نُوں اِرتقا دے ذریعے بنایا اے۔ پر بائبل چ کوئی ایہو جہی گل نئیں لکھی جیہڑی سائنس‌داناں دی ایس گل نال ٹکراندی ہووے کہ ہر جاندار دِیاں فرق فرق نسلاں نیں۔‏

•  کیہہ خدا نے اِرتقا دے ذریعے سارے جانداراں نُوں بنایا اے؟‏

•  کیہہ اِرتقا دا نظریہ بائبل دی تلیم نال میل کھاندا اے؟‏

•  کیہہ پودیاں تے جانوراں دی ماحول دے مطابق ڈھلن دی صلاحیت اِرتقا دے نظریے دی حمایت کر دی اے؟‏

 جیہڑے لوک ایہہ من دے نیں کہ خدا نے اِرتقا دے ذریعے سارے جانداراں نُوں بنایا اے اوہ ایس بارے فرق فرق نظریے رکھدے نیں کہ خدا نے اِنج کیویں کیتا۔ ”‏اِنسائیکلوپیڈیا بریٹانیکا‏“‏ دے مطابق کجھ لوک ایہہ یقین رکھدے نیں کہ خدا نے پودیاں تے جانوراں دے اندر ماحول دے مطابق ڈھلن دی صلاحیت رکھی اے۔ انج اوہ جانداراں دِیاں قسماں چ بہتری لیاندا اے۔‏

 جیہڑے لوک ایہہ من دے نیں کہ خدا نے اِرتقا دے ذریعے سارے جانداراں نُوں بنایا اے، اوہناں وچوں کجھ ایہناں گلاں تے یقین رکھدے نیں:‏

•   سارے جاندار اِکو ای قسم دے جاندار توں آئے نیں جیہڑے بوہت پہلاں ہوندے سن۔‏

•   اِک قسم دا جاندار اِرتقا دے ذریعے بدل کے اِک فرق قسم دا جاندار بن سکدا اے۔‏

•   ایس سارے عمل دے پچھے کسے نہ کسے طرحاں خدا دا ہتھ اے۔‏

 ایہہ نظریہ کہ خدا نے اِرتقا دے ذریعے سارے جانداراں نُوں بنایا اے،پیدایش دی کتاب چ لکھے تخلیق دے نظریے نال میل نئیں کھاندا۔ پر یسوع مسیح نے پیدایش دی کتاب چ لکھیاں گلاں نُوں ثبوت دے طور تے پیش کیتا۔ (‏پیدایش 1:‏26، 27؛‏ 2:‏18-‏24؛‏ متی 19:‏4-‏6‏)‏ پاک کلام چ دَسیا گیا اے کہ زمین تے آن توں پہلاں یسوع مسیح اسمان تے خدا دے نال رہندا سی تے اوہنے ساریاں شیواں بنان چ خدا دی مدد کیتی۔ (‏یوحنا 1:‏3‏)‏ ایس لئی ایہہ نظریہ کہ خدا نے اِرتقا دے ذریعے سارے جانداراں نُوں بنایا اے، بائبل دی تلیم نال میل نئیں کھاندا۔‏

 بائبل چ ایہہ نئیں دَسیا گیا کہ اِک قسم دے جاندار دِیاں کِنّیاں نسلاں ہو سکدیاں نیں، فرق نسل دے جانداراں دے ملاپ توں کوئی نوِیں نسل بن سکدی اے یاں جاندار نویں ماحول دے مطابق اپنے آپ نُوں ڈھال سکدے نیں۔ کجھ لوکاں نُوں لگدا اے کہ ایہہ گلاں اِرتقا دے عمل چ شامل نیں۔ پر اصل چ ایس طرحاں دے عمل نال نوِیں قسم دا کوئی جاندار وجود چ نئیں آندا۔‏