BIBLE STUDY COURSE WITIM INSTRUCTOR
Enjoyim Laef for Olowe!
Lo disfala free Bible study course, iu bae kasem ansa for olketa kwestin olsem:
Wanem nao savve helpem mi for hapi lo laef?
Waswe, olketa nogud samting and wei for safa bae finis enitaem?
Mi savve lukim moa olketa wea mi lovem wea dae finis?
Waswe, God hem tingim mi?
Hao nao mi shud prea, and hao nao mi savve sure God herem mi?
Course Hem Free Nomoa
Disfala full course hem free nomoa, and iu bae kasem disfala study buk Enjoyim Laef for Olowe! and wanfala Bible sapos iu needim.
Taem and Ples wea Fitim Iu
Iu savve meet tugeta witim wanfala instructor, or story tugeta online, lo taem and ples wea fitim iu.
Savve Cancelim Enitaem
Iu savve stop for duim disfala course enitaem.
Hao nao disfala Bible study course blo mifala hem waka?
Wanfala instructor bae helpem iu for lanem wanem Bible teachim. For duim datwan iufala bae isisi storyim olketa difren topic. Taem iu followim Bible study course lo buk Enjoyim Laef for Olowe! iu bae isisi lanem wat nao message lo Bible and hao datwan savve helpem iu. Sapos iu laek lanem moa samting, watchim disfala video or readim samfala kwestin wea olketa narawan garem abaotem disfala course.
Waswe, iu laek lukluk firstaem lo wanem kaen information iu bae storyim?
Lukluk lo samfala leson lo first part blo disfala course.
Redi for traem?
Clickim disfala button for arrangem firstfala Bible study leson blo iu.