Olketa Kongregeson Meeting blo Olketa Jehovah’s Witness
Lane abaotem olketa meeting blo mifala. Faendem olketa meeting wea gohed klosap lo ples wea iu stap.
Wanem Nao Mifala Duim lo Meeting blo Mifala?
Olketa Jehovah’s Witness hipap for worship tufala taem evri week. (Hebrew 10:24, 25) Eniwan lo pablik savve kam lo olketa meeting hia. Lo meeting mifala storyim samting wea Bible talem and hao mifala savve followim wanem Bible teachim.
Klosap evri service blo mifala, audience savve tekpart insaed tu, olsem olketa student lo class. Hem saed blo man wanwan sapos hem laek for tekpart or nomoa. Taem mifala startim meeting, mifala singim wanfala song and talem prea lo God, and for finisim meeting mifala singim nara song and talem nara prea.
Iu savve kam lo meeting bilong mifala nomata iu no wanfala Jehovah’s Witness. Hem free nomoa, and mifala no duim kolekson tu.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Hao Nao Olketa Kongregeson blo Olketa Jehovah’s Witness Organize?
Faendaot hao mifala kasem help and instruction from Bible lo arrangement hia.
