1. KAPITEL
Woo kaun de Schreft die halpen, een bätret Läwen to haben?
Meist aula wudden wellen de Kloarheit haben, wuarom wie lieden, wuarom wie stoawen un woo daut Läwen wiedagonen woat. Un wie sorjen ons uk äwa soont aus, woo wie kjennen ons Läwen moaken ooda woo jiedrem eenen daut enne Famielje kaun scheen gonen. De Schreft haft aul väl Menschen jeholpen, aul dit to vestonen. Un dee jeft uk gooden Rot, woo eena jieda Dach läwen kaun. Jleefst du nich uk, daut de Schreft ons aula halpen kaun?
1. Waut krakjt lat de Schreft ons weeten?
Wan väle uk sajen, daut de Schreft nich jeit uttoschapen, kjenn wie daut doch weeten, waut dee äwa soont aus dit sajcht: Woo haft daut met daut Läwen aunjefongen? Wuarom es daut em Läwen soo, aus daut es? Un wuarom motten uk goode Menschen lieden? Waut es met ons, wan wie stoawen? Wan aule Fräd wellen, wuarom jeft daut dan soo väl Kjrich? Un waut woat met de Ieed noch mol sennen? Daut baudat nich, wan eena soont weeten well. De Schreft rot ons mau rajcht too, daut wie daut sellen weeten. Millionende Menschen haben sikj daut unjastonen, woo daut krakjt es.
2. Woo kaun de Schreft ons halpen, Freid aum Läwen to haben?
De Schreft sajcht ons biejlikj, woo aulem en de Famielje daut opp iernst kaun scheen gonen. Dee jeft ons uk Rot, waut wie kjennen doonen, wan wie ons äwafoddat feelen un woo ons de Oabeit kaun scheen gonen. Wan du dit Buak met dienen Bibelliera toop derchjeist, dan woascht du enwoaren, waut de Schreft von aul soont sajcht. Dan woascht du veleicht uk sajen: “Aule Schreft [de gaunze Bibel] . . . es wieetvoll” (2. Timotäus 3:16).
Dit Buak es nich enne Städ de Schreft. Oba daut kaun die halpen, die de Schreft dolla to unjastonen. Doawäajen rod wie die too, aule Bibelvarzhen to läsen, waut en de Kapitels aunjejäft sent, un dee met daut to vejlikjen, waut du lieescht.
DOLLA UNJASTONEN
See mol, woo de Schreft aul väle jeholpen haft un waut du kaust doonen, daut die daut scheen jeit, de Schreft to läsen. See uk, wuarom daut uk goot es, wäm no Help to froagen, dee to vestonen.
3. De Schreft kaun ons em Läwen halpen
De Schreft es soo aus een dachet Licht. Un wie kjennen dee brucken, wan wie wellen daut rajchte entscheiden un toom seenen, waut noch komen woat.
Läst Psalm 119:105 un dan got toop dise Froagen derch:
-
Woo docht de Psalmenschriewa äwa de Schreft?
-
Woo denkjst du äwa de Schreft?
4. De Schreft kaun ons halpen, Sachen kloa to vestonen
De Schreft holp eene Fru, Sachen oppem kloaren to brinjen, wua see aul Joaren emma Twiewel äwa haud. Kjikjt daut VIDEO un dan got toop dise Froagen derch.
-
Waut fa Twiewel haud de Fru en daut Video?
-
Woo kunn see äaren Twiewel oppem kloaren brinjen, aus see ieescht de Schreft studieed?
De Schreft kaun die uk halpen. Enne Schreft woat ons mau rajcht toojerot, Froagen to stalen. Läst Matäus 7:7 un dan got toop dise Froag derch:
-
Jeft daut waut, waut du wurscht jleichen to weeten, wua de Schreft die veleicht met halpen kaun?
5. Die kaun daut scheen gonen, de Schreft to läsen
Väl Menschen jleichen daut, de Schreft to läsen un dee kjemt daut uk togood. Kjikjt daut VIDEO un dan got toop dise Froagen derch.
-
Hoolen de junge Menschen doa en daut Video väl von läsen?
-
Wan dee äwajens uk nich sea väl von läsen hoolen, wuarom jleichen dee daut nu oba, de Schreft to läsen?
Waut wie enne Schreft läsen kjennen, kaun ons Troost un Hopninj jäwen. Läst Reema 15:4 un dan got toop dise Froag derch:
-
Wurscht du jleichen, mea von dän Troost un de Hopninj to weeten, waut de Schreft ons vesprakjt?
6. Aundre kjennen ons halpen, de Schreft to vestonen
Daut es needich, fa sikj selfst de Schreft to läsen. Oba väle haft daut uk jeholpen, met wäm toop doaräwa to räden. Läst Aposteljeschicht 8:26-31 un dan got toop dise Froag derch:
-
Woo kjenn wie de Schreft bäta vestonen? (See dän Varsch 30 un 31.)
Dän ätiopischen Maun fäld daut aun Help toom de Schreft vestonen. Vondoag dän Dach halpt een deel Menschen daut uk väl, wan dee met aundre toop äwa de Schreft räden
WAUT EENJE SAJEN: “Daut es nich goot, väl enne Schreft to läsen.”
-
Waut wurscht du sajen? Un wuarom?
KAPITEL TOOPJEFOT
En de Schreft es gooda Rot fa daut Läwen. Dee jeft ons Kloarheit äwa Sachen, waut wie weeten wellen, un dee jeft ons Troost un Hopninj.
Waut hast du jelieet?
-
Waut von Rot kjenn wie en de Schreft finjen?
-
Waut es eenjet, waut de Schreft ons weeten lat?
-
Waut wurscht du jleichen, von de Schreft to lieren?
MEA NOSIEEKJEN
See mol, woo de Rot ut de Schreft ons vondoag dän Dach halpen kaun.
“De weisa Rot enne Schreft jeit noch emma to brucken” (De Woaktorm Num. 1 2018)
See, woo de Schreft eenen Maun jeholpen haft, waut sikj von kjlien aun läach feeld.
Unjasto die daut, waut fa eenen gooden Rot de Schreft fa de Famielje haft.
“12 Sachen fa een scheenet Famieljenläwen” (Woat waka! Num. 2 2018)
Väle haben daut nich rajcht tohoolen, wäa äwa dise Welt rejieren deit. Unjasto die daut mol, waut de Schreft krakjt doatoo sajcht.
Wuarom loont sikj daut, de Bibel studieren? (Daut lange) 3:14
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
