Jehova siene Zeijen beeden aun, de Bibel opp eene gaunz eefache Wajch kjanen to lieren. Woo kaun die daut halpen?

•   Du woascht een schaftjeret Läwen haben.

•   Du woascht Gott noda komen.

•   Du woascht lieren, waut de Bibel fa lota vesprakjt.

Hia kjrichst du de Auntwuaten to dise Froagen:

•  Woo schauft een Bibelstudium?

•  Waut kost soon Bibelstudium?

•  Woo lang mott eena de Bibel studieren?

•  Woo kaun eena sikj aunjäwen?

•  Kaun ekj daut ieescht mol proowen?

•  Bediet een Bibelstudium, daut ekj eent von Jehova siene Zeijen woaren mott?

•  Kaun ekj miene ieejne Bibel brucken?

•  Kjennen uk aundre bie daut Bibelstudium met bie sennen?

•  Ekj hab aul ea met Jehova siene Zeijen toop de Bibel studieet. Kaun ekj wada aunfangen?

•  Wan ekj fa mie selfst de Bibel studieren well, jeft daut uk waut fa daut?

 Een Bibelliera woat die halpen, de Bibel eent no daut aundre kjanen to lieren. Doatoo bruck wie daut Buak Een scheenet Läwen fa emma!. Doaderch, daut jie junt unjahoolen, woascht du de Bibel bäta kjanen lieren un uk, woo die dee halpen kaun. En dit Video jeft daut mea doatoo.

 Daut es emsonst. Jehova siene Zeijen doonen daut krakjt soo, aus Jesus daut säd: “Jie haben daut emsonst jekjräajen, jäft daut uk emsonst wieda” (Matäus 10:8, PB). Eena doaf uk nich fa de Bieekja betolen, waut doa jebrukt woaren toom studieren, soo de Bibel ooda daut Buak Een scheenet Läwen fa emma!.

 Daut Buak, waut wie fa daut Bibelstudium brucken, haft 60 Kapitels. Väle jleichen eent ooda mea Kapitels de Wäakj to studieren, oba du kaust entscheiden, woo väl du opp eemol west.

1.  1. Jeff die opp onse Websied aun. Aules, waut du doa nenschrifst, woat bloos doatoo jebrukt, daut eent von Jehova siene Zeijen met die räden kaun.

2.  2. Een Bibelliera woat met die räden. Dee woat die utlajen, woo wie de Bibelstudiums jeweenlich derchfieren, un die uk wellich Froagen beauntwuaten.

3.  3. Du un dien Bibelliera kjennen junt beräden, woo dien Bibelstudium schaufen woat. Daut Studium kaun bie eenem tus sennen ooda äwa Fon ooda äwa Video ooda derch Breew ooda E-Mail. Jeweenlich studieet eena soo bie eene Stund, oba daut kaun uk kjarta ooda lenja sennen.

 Jo. Jeff die opp onse Websied aun. Dan woat een Bibelliera met die räden un du kaust dän sajen, daut du daut ieescht proowen west, aus du daut jleichst. Dee woat daut Heft Een scheenet Läwen fa emma! brucken, wua de ieeschte dree Kapitels fa daut Studium bennen sent. Soo kaust du seenen, aus du daut jleichst.

 Nä. Jehova siene Zeijen jleichen daut sea, aundre mea von de Bibel to lieren, oba wie bemotten kjeenem, eent von Jehova siene Zeijen to woaren. Wie wiesen de Menschen leeftolich, waut de Schreft sajcht, wiels wie weeten, daut jieda eena daut Rajcht haft selfst to entscheiden, waut dee jleewen well (1. Petrus 3:15).

 Jo. Du kaust soone Bibel brucken, aus du west. Wie jleichen sea de Neue-Welt-Übersetzung der Heiligen Schrift to brucken. Dee jeft daut opp een deel Sproaken; dee es krakjt un leicht to vestonen. Oba wie weeten uk, daut väle leewa dee Bibel brucken wellen, waut see jewant sent.

 Jo. Doa kaun diene gaunze Famielje met bie sennen un uk Frind, wan du dee enloden west.

 Jo. Du woascht daut nu veleicht noch dolla jleichen, wiels wie nu opp eene Wajch studieren, waut noch intressaunta es un de Menschen noch dolla halpt. Wie brucken nu biejlikj mea Videos un unjahoolen ons dolla.

 Jo. Wan daut bie de mieeschte uk bäta schauft met eenen Bibelliera toop, wellen eenje oba ieescht mol auleen studieren. Besee die doatoo, waut daut opp onse Websied jeft, biejlikj bie “Help toom de Bibel studieren”. Hia es eenjet, waut die halpen kaun:

•   Bibelvideos. Dise korte Videos lajen biblische Lieren ut.

•   Waut sajcht de Schreft äwa . . .? Hia finjst du de Auntwuaten fa gaunz veschiedne Froagen.

•   Bibelverse erklärt. Hia kaust du seenen, waut bekaunde Bibelvarzhen un Wieed ut de Schreft bedieden (dit es opp Huachdietsch).