SUOBEL 03
Ngsebechem el Oumerang er a Biblia?
Ngbetok a telbiil me a ulekrael el debetik er a Biblia. Nglocha soad el mo medengei aike el tekoi el lolisechakl a Biblia engdi ngmeringel er kid a mo oumerang. Ngsebechem el oumerang a telbiil me a ulekrael er tia el kmal chuodel el babier? Ngmera el sebechem el oumerang aike el lolekoi a Biblia el kirel a ungil klengar er chelechang me a ngar medad el taem? Te betok el miliol el chad a kmo, choi. Ka me desa el kmo ke mo ta er tir.
1. A Biblia, ngouchais a klemerang me a lechub e ngdi delbochel?
A Biblia melekoi el kmo a tekoi el lluches er ngii a ‘klemerang.’ (Olisechakl 12:10) Ngouchais a tekoi el mera el dilubech er a reksi el kirir a remera el chad. (Monguiu er a Lukas 1:3; 3:1, 2.) A rebetok el mesuub a reksi me a remengiis a chutem a mla oterekeklii el kmo aike el meklou a ultutelel el date, basio, taem, me a dirrek el rechad el losaod er tir a Biblia a klemerang.
2. Ngera uchul me ngsebeched el melekoi el kmo, a Biblia a dirk ngar ngii a usbechel er chelecha el taem alta ngchuodel el babier?
A Biblia mesaod a tekoi el rechad er a taem er a lemeluches a dimlak lodengei. El ua tiang, ngmesaod a tekoi er a science. Rebetok el chad er sel taem er a lemeluches a dimlak loumerang aika el tekoi. Me nguaisei engdi tekoi er a science er chelecha el taem a mla oterekeklii el kmo aike el lolekoi a Biblia a klemerang. “Ngkmal sebeched el ultuil [er ngii] er chelechang el mo cherechar.”—Psalm 111:8, NW.
3. Ngera uchul me ngsebeched el oumerang aike el lolekoi a Biblia el kirel a ngar medad el taem?
A Biblia di mle uchelel e ngomlaoch a el kirel aike el tekoi el “mo duubech.” (Isaia 46:10) Ngulemlaoch el kirel a betok el tekoi el dilubech er a reksi el ngii el rokui a di tilaut. Ngdirrek el komakai a omesodel el kirel a tekoi el mo duubech er chelecha el taem. Ngar tia el suobel e kede mo mesaod a bebil el ulaoch er a Biblia. Ngkmal mo mechas a rengum e le ngkmal melemalt a omesodel!
BOM DMOLECH EL MERRITER
Mesa rolel e a tekoi er a science a oltirakl er a Biblia e morriter a bebil mengasireng el ulaoch er a Biblia.
4. Science oltirakl er a Biblia
A oumesingd el chad er a irechar a uluumerang el kmo a beluulechad a kled er bebul a kmung ngerang. Momes er a VIDEO.
Mutebengii el kmo a babier er a Job a milluches er a bekord el 3,500 el rak er a mla me mong. Monguiu er a Job 26:7 e mosaod er tia el ker:
-
Ngera uchul me ngkmal mechas a rengud er a bades el dmu el kmo a beluulechad a ngar er a “bechachau el melidiul”?
A rechad a dirk mlo medengelii a rolel e a ralm a mukbeches er a bekord el eru el dart el rak er a mla me mong. Me nguaisei engdi ka molatk aike el lolekoi a Biblia el milluches er a betok el telael el rak er a uchei. Monguiu er a Job 36:27, 28 e mosaod aika el ker:
-
Ngera uchul me ngkmal mengasireng tia el beot el omesodel a rolel a ralm a mukbeches?
-
Aika el bades el dirk mchiluiu ngmelisiich er a klaumerang er kau er a Biblia?
5. A Biblia ulemlaoch el kirel a meklou a ultutelel el tekoi el mo duubech
Monguiu er a Isaia 44:27–45:2 e mosaod er tia el ker:
-
Ngera el komakai el tekoi a lulemlaoch a Biblia er a eru el dart el rak er uchei er a telemellel a Babilon?
Reksi ochotii el kmo ngmera el King Sairus er a Persia me a resoldau er ngii a ngiluu a mats er a Babilon er a 539 B.C.E. b Te ultucheklii a ralm er a omoachel el ulemekerreu er tia el mats me ngdimlekea bo lsiseb er a beluu. A chesmerel a siseball a di mle belkais me te di dimlak loumekemad e soiseb el nguu a beluu. Chelecha el taem el betok er a 2,500 el rak er uriul, e a beluu er a Babilon a dirk cheloit. Molatk aike el lulemlaoch a Biblia.
Monguiu er a Isaia 13:19, 20 e mosaod er tia el ker:
-
Ngmekera tekoi el dilubech el mora Babilon e ochotii otutel tia el ulaoch?
Miltemall el beluu er a Babilon el chelecha el taem e ngbeluu er a Iraq
6. A Biblia ulemlaoch el kirel a tekoi el domes er chelecha el taem
A Biblia mesaod er a taem er kid el kmo ng “uriul sils.” (2 Timothy 3:1, BT) Momtab aike el lulemlaoch a Biblia el kirel chelecha el taem er kid.
Monguiu er a Mateus 24:6, 7 e mosaod er tia el ker:
-
Ngera el ileakl el tekoi a ledilu Biblia el kmo ngmo duubech er a taem er a uriul sils?
Monguiu er a 2 Timothy 3:1-5 e mosaod aika el ker:
-
Ngera ngdmu Biblia el kmo ngmo blekerdelir a rechad er a taem er a uriul sils?
-
Ngera er aika el blekeradel omomes er chelecha el taem?
A REBEBIL A KMO: “A Biblia di babier el mesaod a cheldecheduch el dilubech er a ngar er a mong el taem.”
-
Kau, ngngera kmal loterekeklii a rengum el kmo ngsebeched el oumera er a Biblia?
SUMMARY
Reksi, science, me a ulaoch ochotii el kmo ngsebechem el oumerang er a Biblia.
Review
-
A Biblia ngouchais a klemerang me a lechub engdi delbochel?
-
Ngera bebil tekoi er a science el oltirakl er a Biblia?
-
Omomdasu a Biblia ngmera el sebechel louchais el kirel a ngar medad el taem? E ngera uchul me ke melekoi el uaisei?
A LSEBECHEM E MOMES
Ngngar ngii a cheleuid er a tekoi er a science el ngar er a Biblia?
“Does Science Agree With the Bible?” (Suobel el ngar er a Internet)
Ngera klemerang el tekoi el kirel a “uriul sils”?
“6 Elolem el Ulaoch er a Biblia el Momes el Toutang” (A Ongkerongel, June 1, 2011)
Mesa rolel a ulaoch er a Biblia el kirel a Renged er a Gris a tilaut.
Mesa rolel e a ulaoch er a Biblia ngildechii a uldesuel a ta el chad el kirel a Biblia.
